တီထွင်ဖန်တီးမှုသတင်း၊ နည်းပညာသတင်း၊ ဆော့ဝဲများ မျှဝေခြင်း

Monday, October 19, 2015

Facebook ပေါ်က ဓာတ်ပုံတွေကို မျက်စိ မမြင်သူတွေ မြင်စေနိုင်ဖို့အတွက် Facebook ကြိုးပမ်းနေ




နည်းပညာ တိုးတက်မှုဆိုတာ သူ့ ရဲ့ကနဦး အဆင့်မှာတင် ရှိပါသေးတယ်။ အခုအခါ Facebook ဆိုက် ပေါ်က ဓာတ်ပုံတွေကို အမြင်အာရုံ ချို့တဲ့သူတွေ မြင်နိုင်ဖို့ အတွက် နည်းပညာက ကူညီ ပေးနိုင်တော့မှာ ဖြစ်ပါတယ်။

Facebook ဆိုတဲ့ ဆိုရှယ်မီဒီယာကို မိသားစု၊ သူငယ်ချင်း အပေါင်းအသင်းနဲ့ ဓာတ်ပုံတွေ၊ ကိုယ်ခရီး သွားလာနေတဲ့ ဓာတ်ပုံတွေကို အဓိက share ကြဖို့ အတွက် သုံးကြပြီး ယခုအခါ မှာတော့ အဆိုပါ ဓာတ်ပုံတွေကို မျက်မမြင်တွေလည်း မြင်တွေ့ နိုင်ဖို့ အခွင့်အရေး ရတော့မှာဖြစ်ပါတယ်။

လက်ရှိမှာလည်း မျက်မမြင်တွေအတွက် ရည်ရွယ်ထုတ်ထားတဲ့ app တွေရှိပြီး အဆိုပါ app တွေသုံးပြီး စခရင်ပေါ်က စာတွေကို တခြားအွန်လိုင်းသုံးနေတဲ့လူတွေလိုပဲ မျက်မမြင်တွေ ဖတ်နိုင်ကြပါတယ်။

Facebook ရဲ့ ကိုယ်အင်္ဂါချို့ တဲ့သူများအတွက် အထောက်အကူဒီဇိုင်းအဖွဲ့ ခေါင်းဆောင် Jeff Wieland ဟာ မျက်စိအမြင်အာရုံချို့ တဲ့သူတွေအတွက် ဓာတ်ပုံတွေကိုဖော်ပြပေးနိုင်မယ့် ပစ္စည်းအသစ် ဒါမှမဟုတ် in-built app အသစ်ကို ချပြသွားဖို့ စီစဉ်လျက်ရှိပါတယ်။

Facebook ရဲ့ ပထမဆုံးမျက်မမြင်အင်ဂျင်နီယာ Matt King ရဲ့ အဆိုအရ ဒီဆော့ဖ်ဝဲအသစ်ဟာ ဓာတ်ပုံတစ်ပုံ ထဲမှာပါဝင်တဲ့ အရာတွေကို ယေဘုယျစကားလုံးတွေ စြစ်တဲ့ လူ၊ သဘာဝရှုခင်း၊ အဆောက်အဦးတွေ စသဖြင့် စာနဲ့ အလိုအလျောက်ဖော်ပြပေးသွားမှာဖြစ်ပါတယ်။

ဥပမာအားဖြင့် နေ၀င်ချိန်ကမ်းခြေဓာတ်ပုံတစ်ပုံဆိုရင်၊ သဘာဝအလှ၊ အပြင်ဘက်၊ တိမ်၊ မြက်ခင်း၊ သစ်ပင် ၊ သစ်ရွက် စသဖြင့် လေဘယ်တပ်ပေးသွားမှာဖြစ်ပြီး မျက်မမြင်စာဖတ်နိုင်တဲ့ app ကနေတဆင့် ဓာတ်ပုံတွင်း မှာ ဘယ်လိုအရာတွေပါလဲဆိုတာ မျက်စိမမြင်သူတွေ မှန်းဆပုံဖော်နိုင်မှာဖြစ်ပါတယ်။ မိသားစုပျော်ပွဲခရီးဓာတ်ပုံ ဆိုရင် ‘ လူသုံးယောက်၊ အပြင်ဘက်၊ ပြုံးပျော်နေ” စသဖြင့် သရုပ်ဖော်ပေးသွားမှာဖြစ်ပါတယ်။

ဒါဟာ ၁၀၀ ရာခိုင်နှုန်းတော့ တိကျကောင်းမွန်မှုရှိမှာမဟုတ်ပေမယ့် အနည်းဆုံးတော့ လုံးဝ ၀ ရာခိုင်နှုန်း ဓာတ်ပုံတွေကို မသိရှိမမြင်ရတာထက်စာရင် ၅၀ ရာခိုင်နှုန်းလောက်တော့ ပုံဖော်မြင်နိုင်ပြီး မျက်မမြင်တွေလည်း ပျော်ရွှင်မှုကို မျှဝေ ခံစားနိုင်မှာဖြစ်ကြောင်း King က ထပ်လောင်းပြောကြားခဲ့ပါတယ်။

Ref : Mirror

Original link - http://technology.thithtoolwin.com/2015/10/facebook-facebook.html

ဒီပို့စ်လေးကို နှစ်သက်တယ်ဆိုရင်
လုပ်နိုင်ပါတယ်။

No comments: