ဆိုင်မွန်(နည်းပညာ)

Showing posts with label ရုပ်/သံ. Show all posts

Monday, June 19, 2017

လှိုင်းရိုက်အားကို အသုံးပြုပြီး စွမ်းအင် ထုတ်နိုင်တော့မည်

ပြည့်မြဲ စွမ်းအင် ကုမ္ပဏီတွေက ရေလှိုင်း ကနေ စွမ်းအင် ထုတ်ချင် aပမယ့် စီပွားဖြစ် ထုတ်ဖို့ ခက်ပါတယ်။ ဒါပေမယ့် ဒီအခြေ အနေကို သြစတြေးလျ ကုမ္ပဏီ Wave Swell Energy က ပြောင်းလဲ ပေးလိုက် ပါပြီ။ သူတို့ တီထွင် လိုက်တဲ့ ဒီကိရိယာက လှိုင်းရိုက် ကမ်းခြေက”မှုတ်တွင်း” လိုမျိုး လှိုင်းရိုက် အားကို အသုံးချ မှာပါ။

“ရေအောက်မှာ ဖွင့်ထားတဲ့ လိုဏ်ခေါင်း ထဲကို လှိုင်းရိုက် လိုက်ချိန်မှာ လိုဏ်ခေါင်းတွင်း ရေမျက်နှာပြင်က အတက် အကျဖြစ်ပြီး အထဲက လေကို ဖိလိုက် တယ်။ ရေပြန် ကျချိန် လိုဏ်ခေါင်းတွင်းမှာ လေဟာနယ် တစိတ်တပိုင်း ဖြစ်လာတယ်။ ဒီနည်းနဲ့ လေအား သုံး တာဘိုင်ကို လည်ပတ်စေတာပါ။”

ဒီလို ရေလှိုင်းတွေရဲ့ အထက်အောက် လှုပ်ရှားမှုကို အရင်ကလည်း အသုံးချခဲ့ပေမယ့် Wave Swell ရဲ့ အခုတီထွင်မှုမှာတော့ ခြားနားချက်တခု ရှိပါတယ်။

“ကျေန်ာတို့က တဘက်သက်စီးဆင်းမှုကိုပဲ အသုံးချမှာပါ။ တဘက်သက်စီးလာတဲ့လေကို တာဘိုင်ကို ဖြတ်သွားတာမျိုးပါ။ တခြားတီထွင်မှုတွေမှာတော့ လေက နှစ်ဘက်စီးဆင်းတာမျိုးပါ။”

အလွတ်စမ်းသပ်မှုတခုအရ ဒီမော်ဒယ်က သမားရိုးကျတာဘိုင်ထက် ၂ ဆ အားကောင်းတာ တွေ့ရပါတယ်။ အလုံးစုံတည်ဆောက်ပြီးချိန်မှာ အရွယ်အစားက ရေပြင်ပေါ်ထိုင်မယ့် လေတာဘိုင်နဲ့ဆို မီတာ ၂၀ ပတ်လည် ရှိမှာပါ။ ဒီတာဘိုင်ကို နောက်နှစ်မေလမှာ ဘက်စ်စထရိတ်က ကင်းအိုင်လန်ကမ်းခြေမှာ စမ်းသပ်မောင်းနှင်သွားမှာပါ။

“အဲဒီိမှာက သင့်တော်တဲ့လှိုင်းအမြင့်ရှိတဲ့အပြင် ဒေသခံတွေရဲ့ ထောက်ခံမှုလည်းရှိတော့ ဒီနည်းပညာကို ဈေးကွက်ဝင် သရုပ်ပြဖို့ သင့်တော်တဲ့ နေရာဖြစ် တယ်လို့ ယူဆပါတယ်။”

၅ နှစ်အတွင်း ဈေးအချိုဆုံး ကမ္ဘာ့စွမ်းအင်ပင်ရင်းတွေနဲ့ ယှဉ်ပြိုင်ဖို့နဲ့ တချိန်မှာ သမုဒ္ဒရာကြီးရဲ့ စွမ်းအင်ကို ဖော်ထုတ်ဖို့ ကုမ္ပဏီက မျှော်လင့်ထားပါတယ်။

From : ဒီဗွီဘီ

Originally published at - http://burmese.dvb.no/archives/213199

ကားမှန်များကို သတင်းအချက်လက်ဖော်ပြရာ အရည်သွေးမြင့် မှန်အဖြစ် အသုံးချ

ကားမှန် တံခါး တွေဟာ လမ်းတွေ ပေါ်က သတင်းနဲ့ ကြော်ငြာ လုပ်ငန်းတွေ အတွက် နောက်ထပ် ရင်းမြစ် တခု ဖြစ်လာ တော့မှာပါ။ အစ္စရေး ကုမ္ပဏီသစ် တခုက ဒေသန္တရ သတင်း လုပ်ငန်း အတွက် Smart Glass နည်းပညာကို တီထွင် ခဲ့ပါတယ်။

“ကားတံခါးတွေကို တံခါးသက်သက်တင်မက သတင်းအချက်အလက်တွေဖော်ပြရာ အရည်အသွေးမြင့် မှန်ပြင်တွေအဖြစ် ပထမဆုံးအကြိမ် အသုံးချနိုင် ခဲ့တာပါ။”

နည်းပညာကုမ္ပဏီ Gauzy က ကားတံခါးမှန်တွေကို liquid crystal အလွှာတွေ အုပ်ပေးလိုက်ပါတယ်။ ကားစက်နိုးလို့ သူတို့ကြားထဲ လျှပ်စီးဖြတ်နေသမျှ မှန်တွေက အလင်းဖောက်မြင်နေရမှာပါ။

ဒါပေမယ့် ကားစက်သတ်လိုက်ချိန်မှာ အလင်းပိတ်သွားပြီး တီဗွီဖန်မျက်နှာပြင်တခု ဖြစ်လာပါတယ်။ အဲဒီပေါ်မှာ HD ဗွီဒီယိုနဲ့ ပုံတွေကို ပြသနိုင်ပြီး အင်တာနက်ချိတ်ဆက်နိုင်မယ့် Controller တခုလည်း တွဲလျှက်ပါပါတယ်။

“ဒါက ဥပမာအားဖြင့် ကားရောက်ရှိရာ ပတ်ဝန်းကျင်က စိတ်ဝင်စားဖွယ်တွေကို ဖြတ်သွားသူတွေ သိနိုင်အောင်နဲ့ ဒေသန္တရ သတင်းအချက်အလက်တွေကို ပြပေးပါတယ်။ ကားက သူရောက်ရှိရာအရပ် သိရှိပြီး လက်ရှိနေရာရဲ့ ဒေသဆိုင်ရာ အချက်အလက်တွေကို မျှဝေပေးပါတယ်။”

စိတ်ပူစရာမလိုတာက ကားရဲ့ဘေးဘက်နဲ့ နောက်ဘက်တံခါးမှန်တွေမှာပဲ ဒါကိုတပ်ဆင်မှာဖြစ်ပြီး ကားစက်ရပ်ချိန်ကစပြီး အလုပ်လုပ်မှာပါ။ Gauzy က ဂျာမန်ကားကုမ္ပဏီ Daimler နဲ့ ပူးပေါင်းပြီးသူ့ရဲ့ smart screen ကို ထုတ်လုပ်နေပါတယ်။

ကားတွေကို ပို့ဆောင်ရေးယာဉ်သက်သက်ထက် ပိုပြီး အသုံးကျလာစေဖို့ မျှော်မှန်းထားပါတယ်။

From : ဒီဗွီဘီ

Originally published at - http://burmese.dvb.no/archives/212680

လေထဲတွင် အားပြင်းမောင်းနှင်နိုင်သည့် အိုင်းရွန်းမန်း ဂျက်ဝတ်စုံ

ဗြိတိန် နိုင်ငံက တီထွင်သူ တဦးက လေထဲမှာ မီတာ ရာချီ အားပြင်း မောင်းနှင်နိုင်တဲ့ “အိုင်းရွန်းမန်း ပုံစံ” ဂျက်ဝတ်စုံ တစ်စုံကို တီထွင် ခဲ့ပါတယ်။

အင်ဂျီနီယာ / စက်မှု အတတ် လုပ်ငန်း အတွေ့ အကြုံရှိတဲ့ လူသုံးကုန် ပစ္စည်း ကုန်သည်ဟောင်း ရစ်ချက်ဒ် ဘရောင်နင်လို့ ခေါ်တဲ့ အသက် ၃၈ နှစ် အရွယ် ဗြိတိန် အမျိုးသားက စွမ်းအားမြင့် ခန္ဓာကိုယ်မှာ တပ်ဆင် မောင်းနှင်ရတဲ့ ကိရိယာကို သူငယ်ချင်းတွေနဲ့ အပျော် အဖြစ် ၁၈ လကျော်ကြာ အချိန် အတွင်းမှာ တီထွင် ခဲ့တာလို့ သည်ဆန်းရဲ့ မေလ ၂၆ ရက်နေ့သတင်းမှာ ဖော်ပြ ထားတာပါ။

ဒဲဒလက်စ်လို့ အမည်ပေးထားတဲ့ ဒီဂျက်ဝတ်စုံကို ဂက်စ်တာဘိုင် အင်ဂျင် ၆ ခုနဲ့ စွမ်းအင်ရစေပြီး ဒီအင်ဂျင်စက် ၂ ခုကို ဘရောင်နင်ရဲ့ ခါးနဲ့ အင်ဂျင်စက် ၂ ခုစီကို သူ့ရဲ့ လက်တွေမှာ တပ်ဆင်ပြီး ဒီအင်ဂျင်စက်တွေက မြင်းကောင်ရေ ၈၀၀ အားရှိတယ်လို့ ဆိုပါတယ်။

ဘရောင်နင်ကတော့ ဒီဂျက်ဝတ်စုံက “စက်ဘီးတစီးကို ၃ ဖက်မြင် (3-D) စီးနေရတာနဲ့ နည်းနည်းတူတယ်” လို့ ပြောပါတယ်။

သူက မေလ ၂၅ ရက်နေ့မှာ စမ်းသပ်ပျံသန်းပြကာ တနာရီ မိုင် ၃၀ နှုန်းနဲ့ မီတာရာဂဏန်းထိ ပျံသန်းပြပြီး စံချိန်ချိုးပြနိုင်ခဲ့တာကို ရုပ်သံထဲမှာ မြင်ရပါတယ်။

“ကျနော်တို့မှာ ဒီထူးခြားတဲ့ စိတ်ကူးရှိခဲ့တယ် ခင်ဗျားတို့အနေနဲ့ လုံးဝကြီးကို မတူတဲ့ လူသားယာဉ်ပျံဆိုတဲ့ စိန်ခေါ်မှုကို ချည်းကပ်နိုင်ကောင်း ချည်းကပ် လုပ်ဆောင်နိုင်မယ်” လို့ ဘရောင်နင်က ရိုက်တာ သတင်းဌာနကို ပြောခဲ့ပါတယ်။

ဒီနည်းပညာကို စစ်တပ်အတွင်းမှာ ရှာဖွေရေးနဲ့ ကယ်ဆယ်ရေး စတာတွေမှာ သုံးနိုင်မယ်လို့ ဘရောင်နင်က ယူဆနေပါတယ်။

ဘရောင်နင်က ဆော့ဖ်ဝဲအင်ဂျီနီယာတွေ 3-D ပုံနှိပ်ကျွမ်းကျင်သူတွေ၊ ဂျက်တွန်းကန်မောင်းနှင်အား အထူးကျွမ်းကျင်သူတွေ စတဲ့ပညာရှင်တွေနဲ့ စီမံကိန်းကို ပူးပေါင်းလုပ်ဆောင်နေပြီး စီမံကိန်းရဲ့ နောက်အဆင့်ကတော့ မူလဝတ်စုံလို့ အမည်ပေးထား ပိုအဆင့်မြင့်တဲ့ ဂျက်ဝတ်စုံကို ပညာရှင်တွေအကူအညီနဲ့ တီထွင်မှာပါ။

“အခုတီထွင်ထားထက် ပိုပြီး နောက်ထပ်အဆင့်မြင့်တီထွင်မယ့် ဂျက်ဝတ်စုံက ပိုပြီး စွမ်းဆောင်နိုင်မယ်၊ နောက်လအနည်းငယ်အတွင်းမှာ ကမ္ဘာကြီးကို ပြသနိုင်မှာပါ” လို့ ဘရောင်နင်က ပြောပါသေးတယ်။

From : ဒီဗွီဘီ

Originally published at - http://burmese.dvb.no/archives/209152

အိမ်မွေး တိရစ္ဆာန်တွေ ရဲ့ စိတ်ခံစားချက် သိနိုင်တော့မည်

အိမ်မွေး တိရစ္ဆာန် ပိုင်ရှင် တော်တော် များများ ကတော့ သူတို့ တိရစ္ဆာန် တွေရဲ့ စိတ်ခံစားချက် တွေကို နားလည် ကြတယ်လို့ ထင်နေ ကြပါတယ်။

ဒီထက် ပိုနည်းစပ်တဲ့ နည်းလမ်း အနေနဲ့ သူတို့ ကိုယ်ပေါ်မှာ ဝတ်ဆင် ပေးနိုင်မယ့် အာရုံခံ sensor တွေ တပ်ဆင်ပေး ထားတဲ့ လည်ပတ်နဲ့ အင်္ကျီတွေ ထွက်ပေါ်လာပြီ ဖြစ်ပါတယ်။

ကိုဝင်းခန့်မောင်က ပြောပြပေးမှာပါ။

From : VOA Burmese

Originally published at - https://youtu.be/edzJ_mB94oA

တရုတ် ကျောင်းသားများ တီထွင်ထားသည့် စက်ရုပ်ပြိုင်ပွဲ

တရုတ်နိုင်ငံ တောင်ပိုင်း ဂမ်ဒေါင်း ခရိုင် ရှန်ဇန်မှာ တက္ကသိုလ်နဲ့ ကောလိပ် ၃၂ ခုက ငယ်ရွယ်တဲ့ အင်ဂျင်နီယာ တွေ စုရုံးပြီး တီထွင် ထားတဲ့ စက်ရုပ် ပြိုင်ပွဲကို ကျင်းပ ခဲ့ပါတယ်။

သူတို့ တီထွင်ထားတဲ့ စက်ရုပ်တွေက တခုနဲ့ တခု တိုက်ခိုက်ပြီး အနိုင်ရ ရင်တော့ ပြိုင်ပွဲမှာ အနိုင်ရမှာ ဖြစ်ပါတယ်။

တံတားတွေကို ဖြတ်သန်းဖို့ လေကြောင်း တိုက်ခိုက်မှုတွေ လုပ်ဖို့ စတဲ့ ရည်ရွယ်ချက် အမျိုးမျိုးနဲ့ မောင်းသူမဲ့ လေယာဉ်နဲ့ ယာဉ်တွေကို ထီထွင် ထားပါတယ်။

၂၀၁၆ ရိုဘို မာစတာ ပြိုင်ပွဲ အတွက် တက္ကသိုလ် ၁၆၀က ခုက ၂၂၈ ဖွဲ့နဲ့ အတူ ကျောင်းသား ၇၀၀၀ ကျော် ကလည်း ၀င်ရောက်ဆင်နွဲခဲ့တာ ဖြစ်ပါတယ်။

လက်ရှိမှာတော့ အသင်း ၃၂ သင်းက ပထမဆု အတွက် ပြိုင်ပွဲဝင်နေပါတယ်။ ပထမဆု အတွက် ဆုကြေး ယွမ် ၂ သိန်း ရရှိမှာ ဖြစ်ပါတယ်။

ဒီပြိုင်ပွဲကို စီစီတီဗွီ သတင်း ဌာနက ရိုက်ကူးပြီး တင်ပြ ထားတာ ဖြစ်ပါတယ်။

by DVB

Originally published at -http://burmese.dvb.no/archives/165943

လိုရာပုံအမျိုးမျိုး ပြောင်းလို့ရသည့် ခေတ်ရှေ့ပြေး စမတ်ဖုန်း

ဒီဖုန်းဟာ မိုဘိုင်းဖုန်းတွေရဲ့ အနာဂတ် ဖြစ်လာ တော့မှာပါ။ ကျူဘီမော့ဖ်ဟာ ပလတ်စတစ် ကုဗတုံးတွေနဲ့ တွဲဆက် တည်ဆောက် ထားတဲ့ ထိသိ မျက်နှာပြင်ပါ
ခေတ်ရှေ့ပြေး ဖုန်းတလုံး ဖြစ်ပါတယ်။

“ဒါက ကုဗတုံးတခုနဲ့ တခု ချိတ်ဆက် ထားတဲ့ အစဉ်တန်း တခုပါ။ ဒီအတန်းကနေ လှည့်ကာ ချိုးကာ ခေါက်ကာနဲ့ လိုရာပုံ အမျိုးမျိုးကို ပြောင်းလို့ ရပါတယ်။

သူ့အလိုလို ကွေ့ကာ ချိုးကာနဲ့ ပုံပြောင်းသွားဖို့က သိပ်ကိုရှုပ်ထွေးတဲ့ နည်းစဉ်တခု ဖြစ်ပါတယ်။ ဒါကြောင့် အထဲမှာထည့်ထားတဲ့ အယ်လ်ဂိုရီသမ်စနစ်က ကန့်သတ်ထားတဲ့ အထူးနယ်ပယ်အတွင်းမှာ ကျနော်တို့လိုချင်တဲ့ ပုံအမျိုးမျိုးကို ရရှိစေမှာ ဖြစ်ပါတယ်။”

ပတ္တာဆက်ထားပြီး လိုရာလှည့်နိုင်တဲ့ ယန္တရားစနစ်ကြောင့် အသုံးပြုသူအဖို့ စက္ကန့်ပိုင်းအတွင်း လိုရာပုံကို တွဲဆက်ဖန်တီးနိုင်မှာ ဖြစ်ပါတယ်။ ဥပမာ ဆဲလ်ဖုန်းအဖြစ်ကနေ ဂိမ်းထိန်းချုပ်တံအဖြစ် ပြောင်းပစ်နိုင်မှာ ဖြစ်ပါတယ်။

“ကျနော်တို့အားလုံးရဲ့ အိတ်ကပ်ထဲမှာ စမတ်ဖုန်းတလုံးတော့ ပါစမြဲပဲ။ ဒီစမတ်ဖုန်းကို နေ့စဉ်လိုလို အလုပ်မျိုးစုံ ခိုင်းကြစမြဲပါပဲ။ ဒီတော့ ဒီပရောဂျက်ရဲ့ ရည်ရွယ်ချက်ကိုက ဒီကိရိယာထဲမှာ ဖန်တီးနိုင်စွမ်းတွေကို ထည့်နိုင်သလောက် ထည့်ပေးဖို့ပါ။ ဒါမှသာ ထိသိအာရုံလည်းရှိ၊ ပုံသဏ္ဌာန်လည်းရှိတဲ့ ပြောင်းလွယ်ပြင်လွယ်ဖုန်းမျိုးကို ကိုင်နိုင်မှာ ဖြစ်ပါတယ်။

ကိုယ်သုံးနေတဲ့ ပစ္စည်းတိုင်းက ပုံသဏ္ဌာန်ရှိဖို့ လိုအပ်တယ်။ ဒါမှမဟုတ်ရင်လည်း ကိုယ်ဆောင်ရွက်လိုတဲ့ အလုပ်တွေနဲ့ ကွက်တိ အံဝင်ခွင်ကျဖြစ်ဖို့ လိုအပ်တာပေါ့။”

ဘရစ္စတို၊ ပါဂျူး၊ ဆက်စက်ခ်စ်နဲ့ လန်ကတ်စတာ တက္ကသိုလ်တွေက ဒီဇိုင်းအဖွဲ့ဟာ ချိတ်ဆက်တုံ့ပြန် ပုံပြောင်းနိုင်စွမ်းရှိတဲ့ အနာဂတ်မျှော် ဖုန်းပုံစံသစ်ကို လိုချင်နေတာပါ။ သူတို့ကတော့ လာမယ့် ၁၅ နှစ်အတွင်း ဈေးကွက်ဝင်ဖုန်းပုံစံသစ်ကို ဖြန့်ချိသွားနိုင်မယ်လို့ ယူဆထားပါတယ်။

by ဒီဗွီဘီ

Originally published at - http://burmese.dvb.no/archives/162876

ဆီးမှ ရေအဖြစ် ပြောင်းပေးသည့်စက် တီထွင်ပြီး သောက်ပြ

သုတေသန သမား တယောက် စွန့်တဲ့ ဆီးကို နောက် တစ်ယောက်က ပြန်သောက်တယ် ဆိုတာ အစဉ် အလာနဲ့ သိပ်ကို ဆန့်ကျင်တဲ့ စမ်းသပ် ချက်ပါပဲ။ ဒါပေမယ့် ဘယ်လဂျီယံ သိပ္ပံပညာရှင် တွေက ဆီးကနေ ရေအဖြစ် ပြောင်းပေးနိုင်မဲ့ စက်ကို တီထွင်ခဲ့ ကြပါတယ်။

သုသေတနပညာရှင် Sebastiaan Derese က “သိပ်ကို အဆင့်မြင့်တဲ့ နည်းပညာ သုံးစရာ မလိုဘဲ နေစွမ်းအင် သုံးပြီး ရိုးစင်းတဲ့ နည်းစဉ်နဲ့ ဆီးကနေ မြေသြဇာနဲ့
ရေကို ပြန်ရအောင် ကျနော်တို့ လုပ်နိုင်ပါပြီ။ ဒါ သိပ်ကို ထိရောက်တဲ့ စွမ်းအင်ပါ။ ဆီးကနေ မြေသြဇာနဲ့ ရေသန့် ပြန်ရတယ်” လို့ ပြောပါတယ်။

ရေဆိုး သန့်စင်တဲ့ တခြားနည်းတွေလည်း ရှိပေမယ့် ဒီစက် ကတော့ လျှပ်စစ် စွမ်းအင် မလိုအပ်တဲ့ အတွက် ပင်မ ဓာတ်အားလိုင်းကို မှီခိုစရာ မလိုပါဘူး။ ဆီးကို လှောင်ကန်ကြီး တခုနဲ့စုဆောင်းကာ နေစွမ်းအင်သုံး ဘွိုင်လာနဲ့ အပူပေးပြီး အလွှာပါးကို ဖြတ်သန်းစေ တာလို့ ဆိုပါတယ်။

“ဆီးကနေ ဘီယာ ချက်ဖို့တောင် စီစဉ်နေ ပါပြီ။ ဂန့်မြို့မှာ ပရောဂျက် တခု လုပ်နေပြီ။ ဒီပရောဂျက်ကို (sewer to brewer) “ရေမသတီ စရာမှ သေဘီယာသို့” လို့ နာမည်ပေး ထားပါတယ်။ ဘီယာချက်လုပ် ရာမှာ အလင်ပေါက်နေတဲ့ ရေထဲ ကနေ ဦးရည် အဖြစ် ရေဆိုး တစ်မျိုး ပြန်ရပါတယ်။

အဲ့ဒီရေဆိုးကိုမှ ပြန်ချက်တဲ့ အခါ ဘီယာသစ် တစ်မျိုး ရပါတယ်။ ဒုတိယ အဆင့် အလင်ရည် ကိုတော့ မြူနီစီပယ် ရေဆိုး ကနေ ပြန်ချက် ယူတာပါ။ တတိယ အဆင့် အလင်ရည် ကတော့ ဆီးကနေ ဘီယာချက်တဲ့ အဆင့် ရောက်သွား ပါပြီ။”

ဆီးကနေ နိုင်ငံရဲ့ အနှစ်ခြိုက်ဆုံး သောက်သုံးတဲ့ ယမကာ ထုတ်လုပ်နိုင်တဲ့ အပြင် ဒီစက်က ဘယ်လဂျီယံ နိုင်ငံ ပြင်ပက သူတွေရဲ့ ရည်ရွယ်ချက် ကိုလည်း ဖြည့်ဆည်း
ပေးနိုင်မှာပါ။ ဂန့်တက္ကသိုလ် သုတေသန အဖွဲ့ကတော့ မြေသြဇာနဲ့ ရေအရင်းအမြစ် ရှားပါတဲ့ ဖွံ့ဖြိုးဆဲ ကမ္ဘာ့နိုင်ငံတွေရဲ့ ကျေးလက် ဒေသတွေမှာ ဒီစက်ကိုအသုံးချဖို့ စီစဉ် ထားပါတယ်။

by DVB

Originally published at - http://burmese.dvb.no/archives/162543

ဒေါ်လာ ၅ သောင်းကျော် ကုန်ကျခဲ့သည့် ဟောလီးဝုဒ် မင်းသမီး ပုံစံတူ စက်ရုပ်

အမေရိကန် ဟောလီးဝုဒ် ရုပ်ရှင် မင်းသမီး တဦးကို ပုံစံ ယူထားတဲ့ စက်ရုပ် တခုကို ဟောင်ကောင်က စက်ရုပ် ၀ါသနာရှင် တဦးက တီထွင် ထုတ်လုပ် လိုက်ပါတယ်။

အချိန် ၁ နှစ်ခွဲ ယူခဲ့ပြီး အမေရိကန် ဒေါ်လာ ၅ သောင်းကျော် ကုန်ကျခဲ့တဲ့ လူသား အရွယ် စက်ရုပ်ကို Mart 1 လို့ အမည်ပေး ထားပြီး ပရိုဂရမ် ထည့်သွင်း ထားတဲ့ မေးခွန်း တချို့ကို ဖြေဆိုနိုင် တယ်လို့ ထုတ်လုပ်သူ ရစ်ကီမာ (Ricky Ma) က ပြောပြ ပါတယ်။

ဒီစက်ရုပ်ကို သူ ထုတ်လုပ် လိုက်တဲ့ အကြောင်း ကတော့ သူလည်း တခြားကလေး တွေလိုပဲ ငယ်ငယ် ကတည်းက Transformer လို စက်ရုပ် ဇာတ်ကားတွေ၊ animation တွေ၊ ဂိမ်းတွေ၊ ကာတွန်း ကားတွေကို အလွန် ကြိုက်နှစ်သက် ခဲ့ပြီး တချိန်မှာ သူကိုယ်တိုင် တီထွင်ဖို့ ဆန္ဒရှိ ခဲ့တယ်လို့ ရစ်ကီမာက ပြောပြပါတယ်။

တခြားလူတွေကလည်း သူ့ရဲ့တီထွင်မှု အပေါ် ထင်မြင်မှုအမျိုးမျိုး ပေးခဲ့ကြပြီး စက်ရုပ်ကို တီထွင်ခဲ့တဲ့ ကာလမှာလည်း အားလုံး စင်းလုံးချော မရှိခဲ့ ပါဘူးလို့ မာက ပြောပြပါတယ်။

စက်ရုပ် ကိုယ်ထည်ကို 3D-Printing နဲ့ အချိုးကျကျ ထုတ်ခဲ့ပြီး တီထွင်ရင်း လျှပ်စစ်မော်တာ လောင်သွားတာ၊ တခါတလေ စက်ရုပ်က ကျွမ်းပစ် ကျတာတွေလည်း ရှိခဲ့ တယ်လို့ ပြောပါတယ်။

ဒီစက်ရုပ်မလေးကို တချိန်မှာ ဈေးကွက်တင် ရောင်းချနိုင် မယ်လို့ မျှော်လင့် ထားပြီး သူရရှိခဲ့တဲ့ အတွေ့ အကြုံတွေကို တခြားစက်ရုပ် ၀ါသနာရှင်တွေ အတွက် စာအုပ် တအုပ်လည်း ရေးသား ထုတ်ဝေဖို့ ဆန္ဒရှိတယ်လို့ မာက ပြောဆိုပါတယ်။

by ဒီဗွီဘီ

Originally published at - http://burmese.dvb.no/archives/142966

Photoshop နဲ့ car စလိုက်မီး ထိုးနည်း (၁)

မင်္ဂလာပါ ...

Photosho လေ့လာနေတဲ့ သူငယ်ချင်းတွေ အားလုံး အတွက် ကျွန်တော် သိထား သမျှထဲမှ လိုအပ် ပြီး ပြုလုပ် ရတာ လွယ်ကူတဲ့ car စလိုက်မီး ထိုးနည်း ကို video အသံဖိုင် အပြင် စာအုပ်လေးပါ တွဲပြီး တင်ပေး လိုက် ပါတယ်နော်၊

အားလုံး အဆင်ပြေမယ်လို့ မျှော်လင့်ပါတယ်၊ အောက်မှာ လိုချင်တာ ဒေါင်းသွားပါ။

video အသံဖိုင်ကတော့ youtube မှာ တင်ပေး ထားပါတယ်၊ အဆင်ပြေ သလို ဒေါင်းယူသွားပါ ....။

EBOOK DOWNLOAD HERE

▼ စာအုပ်ကို ဒီမှာနှိပ်ပြီးဒေါင်းယူပါ ▼

by မောင်စေတနာ

Original link - http://www.mgsaytanar.com/2015/10/photoshop-car.html

ဒီပို့စ်လေးကို နှစ်သက်တယ်ဆိုရင်

လုပ်နိုင်ပါတယ်။

ဒေါင်းလော့ ဘတ်တံကို နှိပ်ပါ။
၅ စက္ကန့် စောင့် စရာ မလိုပါ။
ဘာ << SKIP AD >> မှ ချိတ် မထားပါ။
ချက်ချင်း ဒေါင်းလော့ဆိုဒ်ကို ရောက်ပါမည်။
ကွန်နက်ရှင် နှေးသူများ အဆင်ပြေ စေရန်ရည်ရွယ် ထားပါသည်။
အခက်အခဲ ရှိရင် စာလေး ရေးထား ခဲ့ပါ။
မိတ်ဆွေတို့ အားလုံး အတွက် အဆင်ပြေအောင် အတတ်နိုင်ဆုံး ကြိုးစားပေး ပါမည်။
ရွှင်လန်းချမ်းမြေ့ကြပါစေ...။

ကြွက်သားနာကျင်မှု လျှော့ချနိုင်မည့် လမ်းလျှောက် ကွန်ပျူတာစားပွဲ (ရုပ်သံ)

ကွန်ပျူတာနဲ့ အလုပ် လုပ်ရတာကြောင့် ဂုတ်နာတယ် ဆိုတာ အမြဲတမ်းတော့ မဟုတ်ပါဘူး။ ကနေဒါနိုင်ငံ မဂျစ်လ် တက္ကသိုလ်မှ သုတေသန ပညာရှင်တွေက ဒါကို သက်သေ ပြတော့မှာပါ။ ကွီဘက်မြို့မှ ဇီဝယန္တရား ပညာနဲ့ လုပ်အား စွမ်းရည်မြှင့်တင်ရေး သုတေသန ဌာနက လူ့ခန္ဓာ လှုပ်ရှားမှု ဗေဒ ပါမောက္ခ ဂျူလီကုတ်နဲ့ အဖွဲ့ကတော့ လမ်းလျှောက်စက်နဲ့ တွဲထားတဲ့ ကွန်ပျူတာ စားပွဲမှာ လုပ်ရတဲ့ လူတွေဟာ စားပွဲမှာ ပုံသေထိုင်ပြီး လုပ်ရတဲ့ လူတွေထက် ကြွက်သားတွေ ပိုမို ကျန်းမာ ကြတယ်လို့ ဆိုပါတယ်။

“ကြွက်သားလှုပ်ရှားမှုနဲ့ ပတ်သက်လာရင် လူတွေ လမ်းသွားတဲ့အခါ လည်ပင်းနဲ့ ပခုံးကြွက်သားတွေရဲ့ တည်နေပုံက ပိုပြီး ကျန်းမာတဲ့သဘောရှိတယ်။ ဒါ ဘာသဘောလဲဆိုတော့ လည်ပင်းနဲ့ ပခုံးကြွက်သားတွေမှာ နှိုးဆွရတဲ့ ပမာဏက နည်းနည်းလျော့ကျသွားတယ်ဆိုတဲ့ သဘောပဲ။”

သူမရဲ့ဌာနက ကျန်းမာရေးကောင်းတဲ့ အစမ်းသပ်ခံမယ့်သူ အယောက် ၂၀ ကို ပုံသေထိုင်လျက် ဒါမှမဟုတ် စက်ခါးပတ်ပေါ်မှာ လမ်းလျှောက်လျက် မိနစ် ၉၀ ကြာ စာစီစာရိုက် အလုပ်ခိုင်းခဲ့ပါတယ်။

“ကျမတို့တွေ့တာကတော့ စွမ်းဆောင်ရည်ပိုင်းပေါ့။ စာရိုက်တဲ့အပိုင်းပေါ့။ သူတို့အနေနဲ့ ထိုင်ရင်းနဲ့ပဲရိုက်ရိုက် လမ်းလျှောက်ရင်းနဲ့ပဲရိုက်ရိုက် ဘယ်လောက်မြန်တယ်၊ ဘယ်လောက်အမှားများတယ်ဆိုတဲ့ နေရာမှာ သိပ်ကွာခြားတာ မရှိပါဘူး။”

ဒါပေမယ့် ကြွက်သားတွေရဲ့ အလုပ်လုပ်ပုံနဲ့ ဆက်စပ်တဲ့ ရုပ်ပိုင်းဆိုင်ရာ ကွာခြားချက်တွေတော့ ရှိပါတယ်လို့ သူမက ဆိုပါတယ်။ လျှပ်ငုတ်တွေသုံးပြီး လှုပ်ရှားမှု မှတ်တမ်းတင် နည်းပညာရဲ့ အကူအညီနဲ့ သွေးစီးဆင်းမှု၊ ကြွက်သားအလုပ်လုပ်ပုံနဲ့ ရွေ့လျားမှု ဒါမှမဟုတ် ကြွက်သားရဲ့ တည်နေပုံတွေနဲ့ ပတ်သက်တဲ့ အချက်အလက်တွေကို ကောက်ယူပါတယ်။

“သက်ဝင်လှုပ်ရှားတဲ့ ပုံစံတွေက အများကြီး အပြောင်းအလဲရှိတယ်။ နည်းနည်းလေး လှုပ်ရှားလိုက်တဲ့အခါ၊ ခန္ဓာကိုယ်ကို ယိမ်းလိုက်တဲ့အခါ ပြောင်းလဲမှုတွေ ပိုဖြစ်လာတယ်။ ကြွက်သားတွေ သက်ဝင်နိုးကြားမှု ရှိလာတာဟာ တကယ်ကောင်းတဲ့ အချက်ပါ။”

မတ်တတ်ရပ်သုံးရတဲ့ ကွန်ပျူတာစင်ကလည်း အကျိုးရှိတာ တွေ့ရပါတယ်။ ၀င်ရောက် အစမ်းသပ်ခံကြသူတွေဟာ မတ်တတ်ရပ်နေချိန်မှာ စွမ်းဆောင်ရည် ပိုမြင့်လာတယ်လို့ ကုတ်က ဆိုပါတယ်။ နောက်တဆင့်ကျရင်တော့ သုတေသန အင်စတီကျု ဒါမှမဟုတ် ကုမ္ပဏီတွေနဲ့ ပူးပေါင်းဆောင်ရွက်သွားမယ်လို့ သူမက ဆိုပါတယ်။ ဒါမှသာ ဒီရလဒ်တွေကို လုပ်ငန်းခွင်ဆီကို ဘယ်လိုပို့မလဲဆိုတာ သိလာမှာ ဖြစ်ပါတယ်။ တကယ်တော့ လူတွေဟာ တနေ့ကို ပျမ်းမျှ ၇ နာရီ အလုပ်လုပ်နေရတာပါ။ ဒါဟာ တကယ့်ကို ဒုက္ခဖြစ်နိုင်ပါတယ်။

By ဒီဗွီဘီ

Original link - http://burmese.dvb.no/archives/116917

ဒီပို့စ်လေးကို နှစ်သက်တယ်ဆိုရင်

လုပ်နိုင်ပါတယ်။

သစ်ပင်မှ လျှပ်စစ်စွမ်းအင် ထုတ်လုပ်သည့် နည်းပညာ ချီလီကျောင်းသူ ၃ ဦး တီထွင် (ရုပ်သံ)

ချီလီ အင်ဂျင်နီယာ တက္ကသိုလ် ကျောင်းသူ ၃ ဦးဟာ သစ်ပင်တွေ ကနေ လျှပ်စစ် စွမ်းအင် ထုတ်ယူနိုင်တဲ့ နည်းပညာကို အခြေခံပြီး စမတ်ဖုန်း ဘက်ထရီ အားသွင်းစက် တလုံးကို တီထွင် ခဲ့ကြပါတယ်။

၂၀၀၉ ခုနှစ်က စာမေးပွဲ ကာလ အတွင်း သူတို့တွေရဲ့ စမတ်ဖုန်းတွေ ဘက်ထရီ အားကုန်သွားပြီး အဆင် မပြေမှုတွေ ဖြစ်ခဲ့တဲ့ အချိန်မှာ ဒီစိတ်ကူးလေး ပထမဆုံး ရရှိခဲ့ ကြတာပါ။

သစ်ပင်တွေဟာ အောက်စီဂျင်ကို ထုတ်လုပ်ရင်း စွမ်းအင်လည်း ထုတ်လုပ်တယ် ဆိုရင် စမတ်ဖုန်း ဘက်ထရီလည်း အားသွင်းနိုင်မယ် ဆိုတာ သိရှိခဲ့တယ်။ သစ်ပင်လေး တွေမှာ အားသွင်း ပလတ်ခေါင်းလေး တွေ တပ်လိုက်မယ်။

စွမ်းအင် ထုတ်လုပ်နိုင်တဲ့ သစ်ပင်တွေ အများကြီး ရှိတဲ့ အတွက် လျှပ်စစ် စွမ်းအင် ထုတ်ယူနိုင်တဲ့ နေရာလည်း အများကြီး ရရှိ လာမယ်လို့ အီလက် ထရောနစ် အင်ဂျင်နီယာ ကျောင်းသူ တဦးဖြစ်တဲ့ EVELYN ARAVENA ကပြောပြ ပါတယ်။

အဲ့ဒီနောက် သူတို့ ၃ ယောက်ပေါင်းပြီး အီကာရီယာ E-Kaia ဆိုတဲ့ ဘိုင်ဘိုဆားကစ်လေး တခုကို တီထွင် ခဲ့ကြပါတယ်။

အဲ့ဒီ ဘိုင်အို ဆားကစ်လေးကို အပင်ရင်းမှာ ထိုးစိုက် လိုက်တာနဲ့ photosynthesis နည်းနဲ့ အပင်ကနေ ထွက်လာတဲ့ စွမ်းအင်ကို လျှပ်စစ် စွမ်းအင် အဖြစ်ပြောင်းလဲ ပေးလိုက်တာပါ။ ၂ နာရီ အတွင်း စမတ်ဖုန်းတွေ ကို အားအပြည့် သွင်းနိုင် တယ်လို့ ဆိုပါတယ်။

အခုတော့ သူတို့ စမ်းသပ်ထားတဲ့ ဘက်ထရီ အားသွင်း စက်လေးကို အချော သတ်နေပြီး လာမယ့် ၂၀၁၆ ခုနှစ်မှာ စီးပွားဖြစ် ထုတ်လုပ်နိုင်မယ်လို့ မျှော်လင့် ထားကြပါတယ်။

DVB by ဒီဗွီဘီ

Original link - http://burmese.dvb.no/archives/116630

မသန်စွမ်းသူများ၏ စိတ်ကို ဖတ်ပြီး ဘ၀ပြောင်း ပေးနိုင်သည့်စက် (ရုပ်သံ)

တောင်ကိုရီးယား သုတေသန ပညာရှင် တွေဟာ မသန်စွမ်း သူတွေရဲ့ စိတ်ကို ဖတ်ပြီး ဘ၀တွေ ပြောင်းပေးနိုင်တဲ့ စက်တမျိုးကို တီထွင် လိုက်ပါတယ်။

လှုပ်ရှားနိုင်အောင် ပြင်ပ အရိုးငြမ်းနဲ့ တွဲဖက် အသုံးပြု လိုက်ရင် ဦးနှောက် လှိုင်းကြားခံ စနစ်က EEG အချက်ပြတွေကို တိုင်းတာပြီး လှုပ်ရှားမှုကို ထိန်းချုပ် စေခိုင်းတဲ့ အမိန့်တွေ အဖြစ် ပြောင်းပေး နိုင်ပါတယ်။ ကိုရီးယား တက္ကသိုလ်မှ ပါမောက္ခ လီဆောင်ဝမ်းနဲ့ သူ့အဖွဲ့ဟာ ဒီလုပ်ငန်းကို ပံ့ပိုးပေးနေ သူတွေပါ။

“ပြင်ပအားဖြည့် အရိုးငြမ်းစက်ရုပ်က သုံးစွဲသူရဲ့ ဦးနှောက်လှိုင်းတွေကိုဖတ်ပြီး အချက်ပြလှိုင်းပြင် နည်းစဉ်ကတဆင့် မလိုအပ်တဲ့ ဆူညံသံတွေကို ဖယ်ရှားပေးမှာပါ။ ပြီးမှ စက်ရုပ်က ဦးနှောက်လှိုင်းရဲ့ လက္ခဏာတွေကို သရုပ်ခွဲတယ်။ ဒီလိုနဲ့ သရုပ်ခွဲပြီး ဦးနှောက်လှိုင်းတွေနဲ့ ချမှတ်ထားတဲ့ အမိန့်တွေကို ချိန်ညှိပြီး ပြင်ပအားဖြည့် အရိုးငြမ်းစက်ရုပ်ကို ထိန်းချုပ်တာပါ။”

ဒီလိုလုပ်ဖို့ အမြင်အာရုံ နှိုးဆွဂျင်နရေတာကိုသုံးပြီး ဦးနှောက်လှိုင်းတွေကို ဖတ်တာပါ။ ဒီကိရိယာမှာ ဘယ်ကွေ့မလား ညာကွေ့မလား၊ ရှေ့ဆက်လျှောက်မလား၊ မတ်တပ်ရပ်မလား၊ ထိုင်မလား စတဲ့ အမိန့်တွေကို သရုပ်ဖော်မယ့် LED မီးလုံး ၅ လုံး ပါပါတယ်။ ဒီအမိန့်အသီးသီးမှာ ကွဲပြားတဲ့ကြိမ်နှုန်းတွေ ပါတာမို့ ပို့လိုက်တဲ့ အချက်ပြအတိုင်း LED မီးလုံးတွေက မှိတ်တုတ်မှိတ်တုတ် လင်းလာမှာ ဖြစ်ပါတယ်။

“သုံးစွဲသူက အမြင်အာရုံ နှိုးဆွမှုပေါ် အားပြုတဲ့အခါ သုံးစွဲသူ ဦးနှောက်ထဲက နောက်စေ့ထဲမှာ ထပ်တူညီတဲ့ ကြိမ်နှုန်းတခုဖြစ်လာတယ်။ ဒီတော့ ကျနော်တို့က ဒီကြိမ်နှုန်းကိုဖတ်ပြီး သုံးစွဲသူရဲ့ ရည်ရွယ်ချက်ကို ထောက်လှမ်းသိရှိနိုင်ပါတယ်။”

ကြိုးမဲ့လှိုင်းလွှင့်လှိုင်းဖမ်း ကိရိယာကတဆင့် EEG ခေါင်းစွပ်ကိုသုံးပြီး ထိန်းချုပ်တဲ့စနစ်က အချက်ပြတွေ ဖမ်းယူကာ ပြင်ပထောက်ကူ အရိုးငြမ်းကို ညွှန်ကြားချက်တွေ ပေးပါတယ်။ သုံးစွဲသူရဲ့ ရည်ရွယ်ချက်ကို သိနေတာမို့ ဒီစနစ်က မသန်စွမ်းသူတွေကို လှုပ်ရှားနိုင်အောင် အားစိုက်ကူညီနေသလိုပဲ။ နောင် အနာဂတ်မှာ ဒီနည်းပညာကို အခြားကိရိယာတွေမှာ အသုံးချပြီး ကားကို ကိုယ်တိုင်မောင်းနိုင်အောင် ဒရုန်းတွေကို ထိန်းချုပ်နိုင်အောင် ဆောင်ရွက်လာနိုင်မယ်လို့ သိပ္ပံပညာရှင်တွေက မျှော်လင့်ထားကြပါတယ်။

DVB by ဒီဗွီဘီ

Original link - http://burmese.dvb.no/archives/115657

ဆိုင်မွန်(နည်းပညာ)