Tablet တစ်လုံးကို အပို Display အနေနဲ့ အသုံးပြုခြင်း

ကွန်ပျူတာ တစ်လုံး ကနေ Display နှစ်ခုကို ခွဲခြားပြီး Spreadsheet, web browser အစရှိ တာတွေကို အသုံးပြုချင် သူတွေ အတွက် နောက်ထပ် Monitor နဲ့ Graphic card တွေ ဝယ်ယူ ဖို့ဆိုတာ ငွေ အများကြီး ထပ်ကုန်ကျ နိုင်ပါတယ်။

အကယ်၍ ကိုယ့်မှာ iPad ပဲဖြစ်ဖြစ် Android Tablet တစ်ခုပဲ ဖြစ်ဖြစ် ရှိတယ် ဆိုရင် Display Screen တစ်ခု အနေနဲ့ ထပ်မံ ခွဲထုတ်ပြီး အသုံးပြု နိုင်ပါတယ်။

ဒီလို ပြုလုပ်ဖို့ အတွက် လိုအပ်ချက်တွေ ကတော့ Wi-Fi ရှိဖို့ လိုအပ် ပါမယ်။ Android Tablet အသုံးပြုမယ် ဆိုရင် Android version 2.01 နဲ့ အထက် လိုအပ်မှာ ဖြစ်ပြီး iPad ကို အသုံးပြုမယ် ဆိုရင် iOS 7 နဲ့ အထက် အသုံးပြု ထားရမှာ ဖြစ်ပါတယ်။

အသုံးပြုမယ့် ကွန်ပျူတာက Windows Operating System အသုံးပြု ထားတဲ့ ကွန်ပျူတာဆို အနိမ့်ဆုံး Windows XP ဖြစ်ရပါမယ်။ Mac OS အသုံးပြုထားတဲ့ ကွန်ပျူတာဆိုရင် OS X 10.9 နဲ့ အထက် ဖြစ်ရပါမယ်။

အဆိုပါ အချက် အလက်တွေ ပြည့်စုံပြီ ဆိုရင် iDisplay ဆိုတဲ့ app လိုအပ်မှာ ဖြစ်ပါတယ်။ အဆိုပါ app ကို Play Store မှာဆိုရင် ကန်ဒေါ်လာ ၅.၉၉ ပေးသွင်းပြီး ရယူ ရပါမယ်။

iOS အတွက် ဆိုရင်တော့ ကန်ဒေါ်လာ ၁၉.၉၉ ပေးသွင်းရမှာ ဖြစ်ပါတယ်။

ကွန်ပျူတာတွေမှာ အသုံးပြုဖို့ အတွက် ကတော့ http://getidisplay.com/ ဆိုတဲ့ ဝက်ဘ်ဆိုက် လိပ်စာမှာ သက်ဆိုင်ရာ ကွန်ပျူတာ အမျိုးအစား အတွက် ဆော့ဖ်ဝဲကို ရွေးချယ် download လုပ်ယူနိုင်မှာ ဖြစ်ပါတယ်။

အဆိုပါဆော့ဖ်ဝဲတွေကို ထည့်သွင်းပြီးရင် ကွန်ပျူတာကို restart ပြုလုပ် ရပါမယ်။

ကွန်ပျူတာ Reboot ပြန်တက်လာရင် Tablet ဒါမှမဟုတ် iPad နဲ့ ကွန်ပျူတာနဲ့ Device တွေကို Wi-Fi နဲ့ချိတ်ဆက်ပြီး ဆက်သွယ်ပေးလိုက်ပါ။

ကွန်ပျူတာနဲ့ အဆိုပါ device တွေ ချိတ်ဆက်မိတဲ့အခါမှာ dialog box တစ်ခုတက်လာပါလိမ့်မယ်။ အဆိုပါနေရာမှာ always allow ဆိုတာကို ရွေးချယ်ပေးလိုက်ပါ။

ဒါဆိုရင် Tablet တစ်လုံးကို ကွန်ပျူတာအတွက် အပို Display အနေနဲ့ စတင် အသုံးပြုနိုင်ပြီဖြစ်ပါတယ်။

Ref: tomshardware

From : Internet journal - By: သီဟ

Originally published at - http://www.internetjournal.media/how-to/8839

Read More »

Android Phone ကို ကားရဲ့ Audio System နဲ့ ချိတ်ဆက်နည်းများ

ယာဉ်မောင်းသူ အများစုက ကားမောင်းနေစဉ် သီချင်းများကို နားထောင် ခံစားလေ့ ရှိပါတယ်။ ဒါပေမယ့် ရေဒီယိုများက သင်နားထောင် ချင်တဲ့ သီချင်းကို ဖွင့်ပေးမှာ မဟုတ်ပါဘူး။

CD တွေကလည်း ပျက်ဆီးလွယ်တဲ့ အတွက် အဆင် မပြေပါဘူး။ Android Phone မှာ စိတ်ကြိုက် သီချင်းများစွာ ထည့်သွင်း ထားသူများ အတွက် ဖုန်းမှ သီချင်းများကို ကားရဲ့ Audio System နဲ့ ချိတ်ဆက် နားထောင် ချင်ရင် နည်းလမ်း များစွာ ရှိပါတယ်။

Analogue Cable

လူအများစု အသုံးပြုကြတာက 3.5mm Mini Jack Cable ဖြစ်ပါတယ်။ ကြိုးရဲ့ တစ်ဖက်ကို သင့်ဖုန်းရဲ့ Headphone Jack မှာ တပ်ဆင်ရမှာ ဖြစ်ပြီး နောက်တစ်ဖက်ကို ကားရဲ့ Audio System မှာ တပ်ဆင် ရမှာပါ။ ဒီလို ချိတ်ဆက်ဖို့ နည်းများစွာ ရှိပါတယ်။ Car Audio System ရဲ့ အရှေ့ဖက် သို့မဟုတ် Dashboard ရဲ့ အနောက်ဘက်မှာ တပ်ဆင်နိုင်ပါတယ်။
Cassette Tape Player တပ်ဆင် ထားတဲ့ ကားများမှာတော့ Cassette Adapter ကို အသုံးပြုနိုင် ပါတယ်။ ဈေးနှုန်းသက်သာပြီး MP 3 Player သို့မဟုတ် ဖုန်းမှ Headphone နဲ့ ချိတ်ဆက်နိုင် ပါတယ်။ ပြီးရင်တော့ ဖုန်းမှ သီချင်း များကို ကားရဲ့ စပီကာ ကနေ ခံစားနားထောင် နိုင်ပါပြီ။ ဖုန်းမှသာ မက အင်တာနက်မှ သီချင်းများ ကိုတောင် နားဆင်နိုင် ပါတယ်။



Bluetooth

ခေတ်ပေါ် ကားများရဲ့ Audio System မှာ Bluetooth ပါရှိ ကြပြီး သင့်ဖုန်းနဲ့ ချိ်တ်ဆက် အသုံးပြုနိုင် ပါတယ်။ ဒီလို ချိတ်ဆက်ဖို့ အတွက် သင့်ကားရဲ့ Audio System မှ Bluetooth ကိုဖွင့်ပါ။ Discoverable ဖြစ်အောင် ပြုလုပ်ပါ။

သင့်ရဲ့ Android Device မှာ Settings>Wireless and Networks>Bluetooth Settings ထဲသွားပြီး Bluetooth ကိုဖွင့်ပါ။ Scan ပြုလုပ်ပြီး ကားရဲ့ Audio System ကို ရှာဖွေပြီး Pair လုပ်ပါ။

Bluetooth ရဲ့ အားသာချက်က တစ်ခါသာ ချိတ်ဆက် ရပြီး နောက်ပိုင်းမှာ ချိတ်ဆက်စရာ မလိုတာပါ။ အားနည်းချက်က သင့်ဖုန်းရဲ့ ဘက်ထရီကို အကုန်မြန်စေတာပါ။ ဒီနည်းနဲ့ သီချင်းနားထောင်ရင်တော့ ကားထဲမှာ ဖုန်းကို အားသွင်းထားရင် အဆင်ပြေစေမှာ ဖြစ်ပါတယ်။ ဖုန်းမှသာမက အင်တာနက်မှ သီချင်းများနဲ့ ရေဒီယိုများကို နားဆင်နိုင်ပါတယ်။



USB

Bluetooth လိုပဲ ခေတ်သစ်ကားအချို့ရဲ့ Audio System မှာ ပြင်ပ Storage Device များကို ချိတ်ဆက်နို်င်တဲ့ USB Cable ပါရှိပါတယ်။ အဲဒီကြိုးကနေ သင့်ဖုန်းနဲ့ ကားရဲ့ Audio System ကို ချိတ်ဆက်နိုင်ပြီး သီချင်းများ နားဆင်နိုင်ပါတယ်။

ချိတ်ဆက်ပြီးရင်တော့ သင့်ဖုန်းမှာ Storage Mode ကိုပြောင်းပေးရမှာပါ။ ဒီလိုလုပ်ဖို့ Notification Bar ကို ဆွဲချပြီး USB Mass Storage သို့မဟုတ် USB Connection Mode ကို ပြောင်းပေးပါ။ ဒါကတော့ ဖုန်းထုတ်လုပ်သူတွေ အပေါ်မူတည်ပြီး အခေါ်အဝေါ် ကွဲပြားပါတယ်။ ပြီးရင်တော့ ကားရဲ့ Audio System မှာ ဖုန်းမှ သီချင်းများကို တွေ့မြင်နိုင်ပါပြီ။

ဒီနည်းလမ်းရဲ့ အားနည်းချက်က သင့်ဖုန်းမှာ သိမ်းထားတဲ့ MP3 သီချင်းများကိုသာ နားထောင်နိုင်တာ ဖြစ်ပြီး အင်တာနက်မှ သီချင်းများကို နားဆင်လို့ မရတာပါ။ ဒါပေမယ့် သီချင်းနားဆင်နေစဉ်မှာ ဖုန်းကို အားသွင်းပေးနေမှာပါ။



FM Transmitter

အချို့ ဖုန်းများမှာ FM Transmitter စွမ်းဆောင်ချက် ပါရှိပါတယ်။ ဒါကို အသုံးပြုနိုင်သလို Quick FM Transmitter လို App များကို အသုံးပြုပြီး သင့်ဖုန်းမှ သီချင်းများကို ကားရဲ့ စပီကာကနေ နားထောင်နိုင်ပါတယ်။

နောက်တစ်နည်းက ဈေးနှုန်း သက်သာတဲ့ FM Transmitter ကိရိယာကို ၀ယ်ယူရမှာပါ။ အဲဒီ ကိရိယာကို ဖုန်းရဲ့ Headphone Jack မှာ တပ်ဆင်ရမှာပါ။ အလုပ်လုပ်ပုံက Analogue Cable နဲ့ တူညီပေမယ့် FM Transmitter ကို ကားရဲ့ အားသွင်းစက်မှာ တပ်ဆင်ထားရမှာပါ။



ရွေးချယ်စရာ နည်းလမ်း များစွာ ရှိပေမယ့် အများစုက Analogue Cable , Cassette Adapter တို့ကို အသုံးပြုနေ ကြပါတယ်။ ဒါဟာ ကားရဲ့ Audio System မှာ Bluetooth ပါရှိတယ် ဆိုတာ မသိကြလို့ ဖြစ်နိုင်ပါတယ်။ ဒါမှမဟုတ် Cassette Player များ တပ်ဆင်ထားတဲ့ ကားအဟောင်းများ အသုံးပြုနေ ကြလို့ ဖြစ်နိုင် ပါတယ်။ သင့်ရဲ့ ကားမှာ Digital Sound System ပါရှိတယ် ဆိုရင် Analogue Cable နည်းလမ်းဟာ အသံ အရည်အသွေး အပြည့်အ၀ မရနိုင် တာကို မှတ်သားထားပါ။

Myanmar digital life By Thu Ya

Original link - http://www.myanmardigitallife.com/?p=4493

Read More »