တီထွင်ဖန်တီးမှုသတင်း၊ နည်းပညာသတင်း၊ ဆော့ဝဲများ မျှဝေခြင်း





ဤဘလောဂ့်ဆိုဒ်သည် ဆိုင်မွန်စာကြည့်ဆိုဒ်၏ ပရိတ်သတ်များ တက်ရောက် ဖတ်ရှုခြင်း လွယ်ကူမြန်ဆန် စေရန် ရည်ရွယ်၍ ထပ်မံတိုးထားသော ဆိုဒ်ပွား တစ်ခုသာ ဖြစ်ပါသည်။
Showing posts with label အသစ်ထုတ်-Tablet-သတင်း. Show all posts
Showing posts with label အသစ်ထုတ်-Tablet-သတင်း. Show all posts

Wednesday, May 24, 2017

iPad Proကို ပြိုင်ဖို့ ပြင်ဆင်လာတဲ့ Microsoft ရဲ့ Surface Pro Tablet




နည်းပညာ ကုမ္ပဏီ တစ်ခုဖြစ်တဲ့ Microsoft ဟာ ပဉ္စမ မျိုးဆက်ဖြစ်တဲ့ Tablet ကို Surface Pro လို့ နာမည် ပေးထားခဲ့ပြီး ယခင် မော်ဒယ် များနဲ့တော့ ဒီဇိုင်းပိုင်း ဆိုင်ရာမှာ သိပ်ခြားနားမှု မရှိဘဲ ထွက်လာတော့မှာ ဖြစ်ပါတယ်။

ဒါပေမဲ့ နည်းပညာ ကုမ္ပဏီကြီး တစ်ခုဖြစ်တဲ့ Microsoft ဟာ laptop-tablet နှစ်မျိုး သုံးနိုင်တဲ့ ဒီ Surface pro ဟာ Apple ရဲ့ ipad pro ကိုတော့ မယှဉ်ပြိုင်နိုင် သေးပေမဲ့ Samsung စတဲ့ နည်းပညာ ကုမ္ပဏီများရဲ့ ထုတ်ကုန်တွေ ကိုတော့ ယှဉ်ပြိုင်နိုင် လိမ့်မယ် လို့ မျှော်လင့် နေပါတယ်။



အမေရိကန် နည်းပညာ ကုမ္ပဏီ တစ်ခု ဖြစ်တဲ့ Microsoft ဟာ တရုတ်နိုင်ငံ ရှန်ဟိုင်းမြို့မှာ Surface Pro ရဲ့ သတင်း အသေးစိတ်ကို ထုတ်ပြန်ခဲ့ပြီး အမေရိကန် နည်းပညာ ပစ္စည်းများကို ကြိုက်နှစ်သက်တဲ့ သူများ အတွက် ရည်ရွယ် ထားတယ်လို့ သိရပါတယ်။

Microsoft ဟာ laptop-tablet နှစ်မျိုးသုံးနိုင်တဲ့ နည်းပညာသုံး Tablet ကို ၂၀၁၂ ခုနှစ်မှာ Surface ဆိုတဲ့ နာမည်နဲ့ စတင် မိတ်ဆက် ခဲ့တာ ဖြစ်ပါတယ်။



Microsoft ဟာ Surface Pro ရဲ့ ဘတ်ထရီ သက်တမ်းဟာ ၁၃ နာရီ ခွဲကြာ ခံနိုင်တယ် လို့ ထုတ်ပြန်ခဲ့ပြီး ဒီဘတ်ထရီရဲ့ လုပ်ဆောင် ချက်ဟာ ပြီးခဲ့တဲ့ မော်ဒယ် ဖြစ်တဲ့ Surface Pro 4 ထက် ၅၀ % ခန့် ပိုမိုကြာရှည် ခံလာမှာလည်း ဖြစ်ပါတယ်။

Surface Pro ရဲ့ processors ဟာလည်း ယခင် မော်ဒယ်ထက် ပိုမို အစွမ်းထက် လာခဲ့ပြီး mimic pencil တစ်ခုလည်း ပါဝင်လာ ခဲ့ပါတယ်။



Surface Pro ရဲ့ ဈေးနှုန်းကတော့ ဒေါ်လာ ၈၀၀ ( ၆၁၄ ပေါင်) နဲ့ ဂျွန်လ ၁၅ ရက်နေ့မှာ အမေရိကန်၊ တရုတ်၊ ဂျပန်၊ တောင်ကိုရီးယားနဲ့ ဥရောပ နိုင်ငံများမှာ ရောင်းချ သွားမှာ ဖြစ်ပြီး mimic pencil ရဲ့ ဈေးနှုန်းကတော့ ဒေါ်လာ ၁၀၀ ခန့် ကျသင့်မှာ ဖြစ်တယ်လို့ သိရ ပါတယ်။

Ref : The Sun

From : SHWEMOM by arkarhein

Originally published at - http://www.shwemom.com

Read More »

Sunday, November 1, 2015

၁၈.၄ လက်မ မျက်နှာပြင်ရှိ Galaxy View တက်ဘလက် ထွက်ရှိ


>

မျက်နှာပြင် ကြီးလာလေ၊ ပိုကောင်းလေ ဆိုပြီး Samsung က ကျွန်တော်တို့ မြင်ဖူးသမျှ တက်ဘလက် တွေထဲက အကောင်းဆုံး တက်ဘလက် တစ်ခုကို ထုတ်လုပ် လိုက်ပါတယ်။ ဒီ တက်ဘလက်ရဲ့ နာမည်ကတော့ Galaxy View ပါ။ မျက်နှာပြင်အကျယ်ကတော့ ၁၈.၄ လက်မရှိပါတယ်။

၁၈.၄ လက်မဆိုတာ ခင်ဗျားတို့သိတဲ့ အတိုင်း ထောင့်ဖြတ် အတိုင်းအတာပါ။ မျက်နှာပြင်က ကျယ်သလားတော့ မမေးနဲ့။ နိုဝင်ဘာ ၆ရက်နေ့ကစပြီး ကန်ဒေါ်လာ ၅၉၉နဲ့ ဝယ်ယူရရှိနိုင်တော့မှာပါ။ ဗြိတိန်နဲ့ သြစတြေးလျမှာတော့ ဝယ်ယူရရှိနိုင်သလားဆိုတာ နဲ့ ဈေးနှုန်းကို မသိရသေးပါဘူး။

မျက်နှာပြင် အရွယ်အစား ကြီးလွန်းတဲ့အတွက် တခြားတက်ဘလက်တွေလိုတော့ အလွယ်တကူ သယ်ယူသွားနိုင်မှာ မဟုတ်ပါဘူး။ ကျောပိုးအိတ်နဲ့လည်း ဆန့်မှာမဟုတ်ပါဘူး။ ဘတ်စ်ကားပေါ်မှာ သုံးမယ်ဆိုရင်လည်း ရူးကြောင်ကြောင်နိုင်မှာပါ။ တီဗွီတစ်လုံးလိုတော့ အိပ်ယာထဲ၊ မီးဖိုးချောင်ထဲ၊ ရေချိုးခန်းထဲ ယူသွားမယ်ဆိုရင် မိုက်ပါတယ်။

Android version 5.1 Lollipop နဲ့ ထွက်ရှိလာတာပါ။ Wireless Keyboard နဲ့ချိတ်ဆက်ပြီး Desktop all-in-one ကွန်ပျူတာ အစားထိုးအဖြစ် အသုံးပြုလို့လည်းကောင်းပါတယ်။ SIM ကတ်လည်းထည့်အသုံးပြုနိုင်မယ်လို့ သိရပါတယ်။

Ref: Cnet

Original link - http://technology.thithtoolwin.com/2015/11/galaxy-view.html

ဒီပို့စ်လေးကို နှစ်သက်တယ်ဆိုရင်
လုပ်နိုင်ပါတယ်။

Read More »

Thursday, October 29, 2015

Windows Laptop ကောင်းကောင်း ၀ယ်ချင်သူတွေ အတွက် Microsoft Surface Book (သို့မဟုတ်) အကောင်းဆုံး Laptop




Apple ဟာ Laptop/Desktop ကွန်ပျူတာ ထုတ်လုပ်မှု ပိုင်းမှာ သူ့ကိုယ်ပိုင် Hardware ၊ ကိုယ်ပိုင် Operating System နဲ့ပဲ ထုတ်လုပ်နေ ပါတယ်။ Hardware နဲ့ Software လိုက်ဖက် ညီအောင် ထုတ်လုပ်ပေး ထားတာမို့ သုံးရတာလည်း အင်မတန်မှ အဆင်ပြေချောမွေ့ ပါတယ်။

အခု Microsoft ကလည်း ဒီလို အားသာချက်မျိုးကို ပိုလိုချင်လာတယ် ထင်ပါတယ်။ အရင်ကလို Windows ကဲ့သို့ Operating System ထုတ်ရောင်း ရုံတင် မဟုတ်ဘဲ ကိုယ်ပိုင် Laptop ပါ ထုတ်ရောင်း လာပါပြီ။ Microsoft Surface Book လို့ ခေါ်ပါတယ်။ သူ့ရဲ့အားသာချက် ကတော့ Laptop အနေနဲ့တင် မဟုတ်ဘဲ Screen ကိုဖြုတ်ပြီး Tablet အနေနဲ့ပါ သုံးလို့ရခြင်းပါပဲ။



System ပိုင်းအနေနဲ့ကတော့ Windows 10 အသုံးပြုထားပါတယ်။ အပေါ်မှာတုန်းကပြောခဲ့သလိုပဲ Microsoft ဟာ သူ့ရဲ့ပထမဆုံး Laptop ကို သူ့ရဲ့ Windows OS နဲ့ လိုက်ဖက် ညီအောင် ထုတ်လုပ်ပေး ထားတာပါ။ ဒီဇိုင်းလည်း အင်မတန် လှပါတယ်။ Screen size က ၁၃.၅ လက်မဖြစ်ပြီး Screen Resolution ကတော့ 3000 x 2000 ရှိပါတယ်။

လက်ရှိ ထွက်ရှိထားတဲ့ Apple Macbook Pro 15 လက်မ ထက်တောင် ရုပ်ထွက် ပိုကြည်နေ ဦးမှာပါ။ Processor အနေနဲ့ ကတော့ Core i5 processor သို့မဟုတ် Core i7 Processor ၊ RAM အနေနဲ့လည်း 8GB သို့မဟုတ် 16GB ၊ Storage အနေနဲ့ 128GB, 256GB, 512GB, or 1TB မိမိကြိုက်နှစ်သက်ရာ နဲ့ ရွေးချယ် ၀ယ်ယူနိုင်မှာပါ။

Battery သက်တမ်းကလည်း တစ်ခါ အားအပြည့် သွင်းထားရင် ၁၂ နာရီ အသုံးပြုနိုင် ပါတယ်။



USB Port အနေနဲ့ USB 3.0 Port တွေ တပ်ဆင် ထားပါတယ်။ Touch Screen ပေါ်မှာ စာရေးဖို့ ပုံဒီဇိုင်းတွေ ဆွဲဖို့ Pen တစ်ချောင်းလည်း ပါဝင်ပြီး Screen ဘေးမှာ သံလိုက်နဲ့ ကပ်ထားလို့ ရပါတယ်။

Core i5 Processor တပ်ဆင်ထားတဲ့ Surface book မှာတော့ Intel HD Graphics 520 သာပါဝင်ပြီး Core i7 Processor တပ်ဆင် ထားတဲ့ Surface Book မှာတော့ NVIDIA GeForce GPU with 1GB GDDR5 memory ကို တပ်ဆင်ပေး ထားပါတယ်။



Pro ပုံစံနဲ့သုံးချင် ရင်တော့ Core i7 တပ်ဆင်ထားတဲ့ Surface Book ကမှ ပိုအဆင်ပြေ မှာပါ။ Surface Book က Tablet အနေနဲ့လည်း အသုံးပြုနိုင် တာကြောင့် ရှေ့ဘက်ခြမ်း မှာရော နောက်ဘက်ခြမ်း မှာပါ Camera ပါဝင် ပါတယ်။

ရှေ့ကင်မရာ 5.0 Megapixel နဲ့နောက်ဘက် ကင်မရာ 8.0 Megapixel ဖြစ်ပါတယ်။ ထွက်ရှိခဲ့သမျှ Windows Laptop တွေ ထဲမှာတော့ အကောင်းဆုံး စွမ်းဆောင်ရည် ပေးနိုင်မယ် ဆိုတာသေချာပါတယ်။

ဈေးအနေနဲ့ကတော့ Core i5 processor နဲ့ဆိုရင် 1499 ဒေါ်လာဖြစ်ပြီး Core i7 Processor နဲ့ဆိုရင်တော့ 2099 ဒေါ်လာဖြစ်ပါတယ်။

ယခုစတင်ရောင်းချနေပါပြီ။ မြန်မာပြည် ကိုလည်း နိုဝင်ဘာ လကုန်လောက်ဆို ရောက်လာတော့မှာပါ။ Microsoft Surface ကို ပထမဆုံး ဖွင့်ဖောက် ကြည့်ရှုထားတဲ့ Unboxing Video ကိုအောက် မှာကြည့်ရှုနိုင် ပါတယ်။



Original link - http://www.myanmarmobileapp.com

ဒီပို့စ်လေးကို နှစ်သက်တယ်ဆိုရင်
လုပ်နိုင်ပါတယ်။

Read More »

Friday, October 9, 2015

Surface Book ကို ကီးဘုတ်ဖြုတ်၍ သုံးစွဲလျှင် ဘက်ထရီ သက်တမ်း ၃ နာရီသာ အသုံးပြုနိုင်




Surface Book ကို ကီးဘုတ် dock မှ ဖြုတ်၍ သုံးစွဲသည့် အခါ ဘက်ထရီမှာ ၃ နာရီသာ ခံနိုင်ရည် ရှိကြောင်း TechCrunch ၏ ဗီဒီယို တစ်ခုတွင် ဖော်ပြချက် အရ သိရသည်။

ဘက်ထရီ သက်တမ်းနှင့် ပတ်သက်၍ မေးမြန်းမှု အပေါ် Microsoft ဝန်ထမ်း တစ်ဦးက “ဘက်ထရီရဲ့ လေးပုံ သုံးပုံက အောက်ခြေမှာပါ။ ကျန်တစ်ပုံက ထိပ်ဘက် ပိုင်းမှာပါ။ ဒါကြောင့် clipboard mode နဲ့ သုံးတဲ့ အခါမှာ ဘက်ထရီကို သုံးနာရီလောက်ပဲ အသုံးပြုနိုင် ပါလိမ့်မယ်” ဟု ရှင်းပြခဲ့သည်။

Microsoft ၏ Surface Book ကို ကီးဘုတ်မှ ဖြုတ်ပြီး tablet အနေဖြင့် အသုံးပြု ရာတွင် ဘက်ထရီ သက်တမ်း တိုတောင်းခြင်းက ကြီးမားသည့် ပြဿနာ မဟုတ်သော်လည်း ကီးဘုတ် dock ကို အိမ်တွင် ချန်ထား ခဲ့လိုသူများ အတွက် စိတ်ပျက်ဖွယ်ရာ ဖြစ်လာနိုင်သည်။

Microsoft ကမူ Surface Book ကို ကီးဘုတ်ဖြင့် အသုံးပြုပြီး ဗီဒီယို ကြည့်ရှုသည့် အခါ ဘက်ထရီကို ၁၂ နာရီ အသုံးပြုနိုင်ကြောင်း ပြောကြား ထားသည်။

Ref: BusinessInsider

Internet journal By: နောင်နောင်

Original link - http://www.internetjournal.media/news/4420


Read More »

Thursday, October 8, 2015

Microsoft က Surface Pro 4 ၊ Lumia စမတ်ဖုန်း ၃ လုံး နဲ့ Microsoft Band 2 တို့ကို မိတ်ဆက်




ကမ္ဘာ့ ထိပ်တန်း နည်းပညာ ကုမ္မဏီ တစ်ခုဖြစ်တဲ့ Microsoft ဟာ ကုန်ပစ္စည်း အသစ်တွေဖြစ်တဲ့ Lumia စမတ်ဖုန်းများ ၊ Surface Pro တတ်ဘလတ် အသစ် နဲ့ Microsoft Band ဆိုတဲ့ ၀တ်ဆင်ရတဲ့ Fitness Tracker အသစ်တို့ကို မိတ်ဆက်ပြသ ခဲ့ပါတယ်။ ထို ကုန်ပစ္စည်း အသစ်တွေ အားလုံးဟာ Microsoft ရဲ့ နောက်ဆုံးထုတ် OS ဖြစ်တဲ့ Windows 10 ကို ထည့်သွင်း ထားတယ် လို့လည်း သိရပါတယ်။

ပြီးခဲ့တဲ့ ဇူလိုင်လမှာ ထွက်ရှိခဲ့တဲ့ Windows 10 ဟာ လက်ရှိမှာ ကိရိယာပေါင်း သန်း ၁၁၀ မှာ လုပ်ဆောင်နေပြီဖြစ်တယ်လို့လည်း Microsoft က ဆိုထားပါတယ်။

အခု အသစ်ထွက်ရှိတဲ့ Surface Pro 4 ကတော့ Apple ရဲ့ MacBook Air ထက် ၅၀ ရာခိုင်နှုန်း ပိုမိုမြန်ဆန်တယ်လို့ Microsoft ကုမ္မဏီရဲ့ Surface Computing ဌာနရဲ့ တွဲဖက် ဒု-ဥက္ကဋ္ဌ ဖြစ်သူ Panos Panay က ထို ကုန်ပစ္စည်းသစ် မိတ်ဆက်ပွဲမှာ ပြောခဲ့ပါတယ်။

ဒါ့အပြင် Microsoft က အတည်ပြုပေးလိုက်တာကတော့ အခုထုတ်လုပ်တဲ့ တတ်ဘလတ် အသစ် နဲ့ စမတ်ဖုန်းအသစ်တွေမှာ ဒီနှစ်အစောပိုင်းက မိတ်ဆက်ထားတဲ့ အလိုလျောက် ခန္ဓာကိုယ် အစိတ်အပိုင်းတွေနဲ့ Sign-in ပြုလုပ်ပေးမယ့် ရွေးချယ်မှု တစ်ခုဖြစ်တဲ့ Windows Hello ကို ထည့်သွင်းပေးထားတယ် ဆိုတာပါပဲ။

နယူးယော့ခ်မှာ ပြုလုပ်ခဲ့တဲ့ Microsoft ရဲ့ ကုန်ပစ္စည်းသစ် မိတ်ဆက်ပွဲမှာတော့ စမတ်ဖုန်းအသစ် ၃ မျိုးကိုလည်း မိတ်ဆက်ပြသခဲ့ပါတယ်။ Lumia 950 နဲ့ 950XL တို့ကတော့ ဒေါ်လာ ၅၄၉ နဲ့ ၆၄၉ ဒေါ်လာ အသီးသီးကျသင့်မှာဖြစ်ပြီး နိုဝင်ဘာလမှာ ဖြန့်ချီမယ်လို့လည်းသိရပါတယ်။

Lumia 950 မှာတော့ ၅.၂ လက်မ ကျယ်ဝန်းတဲ့ မျက်နှာပြင်နဲ့ Hexacore Processor ပါဝင်ပြီး Lumia 950XL မှာတော့ ၅.၇ လက်မ ကျယ်ဝန်းပြီး Octacore Processor ပါဝင်နေပါတယ်။ နောက်ထပ် စမတ်ဖုန်းကတော့ ဒီဇင်ဘာမှာ ထုတ်လုပ်မယ့် Lumia 550 ဖြစ်ပြီး ဈေးနှုန်းကတော့ ၁၃၉ ဒေါ်လာ သာ ကျသင့်မှာပါ။ Lumia 550 ရဲ့ ပါဝင်ပစ္စည်းတွေကိုတော့ ထုတ်ဖော်ပြောကြားခြင်းမရှိသေးပါဘူး။

Surface Pro 4 တတ်ဘလတ် ကတော့ Surface Pro 3 ထက် ပိုမိုကြီးမားပြီး ပိုမိုပါးလွှား ကာ ပိုမို ပေါ့ပါးသွားတဲ့ ဗားရှင်းတစ်မျိုးပါ။ ဈေးနှုန်းကတော့ ဒေါ်လာ ၈၉၉ ဒေါ်လာ ကျသင့်မှာဖြစ်ပြီး အောက်တိုဘာ ၂၆ ရက်နေ့မှာ စတင်ရောင်းချသွားမယ်လို့ ဆိုပါတယ်။

Surface Pro 4 မှာတော့ ၁၂.၃ လက်မ ကျယ်ဝန်းတဲ့ မျက်နှာပြင်နဲ့ ၆ခုမြောက်မျိုးဆက် Intel Core Processor ကို သုံးထားပြီး 16GB ရှိတဲ့ RAM နဲ့ 1TBB ရှိတဲ့ သိုလှောင်ပမာဏ တွေကို ထည့်သွင်းပေးထားပါတယ်။

ဒါ့အပြင် Microsoft ဟာ ဘက်ထရီသက်တမ်း နှစ်နဲ့ချီ အသုံးပြုနိုင်မယ့် Surface Pen ကိုလည်း မိတ်ဆက်ခဲ့ပါသေးတယ်။ Lumia 950 နဲ့ 950XL တို့မှာတော့ 20 MP ရှိတဲ့အနောက်ကင်မရာ ၊ 32 GB သိုလှောင်ပမာဏ ၊ 4K ကြည်လင်ပြတ်သားမှု ဗီဒီယို နဲ့ Liquid Cooling နည်းပညာ ကို အသုံးပြုထားပါတယ်။ Microsoft ရဲ့ ပြောကြားချက်အရာတော့ ထို ဖုန်းတွေဟာ SD ကတ် ထပ်မံ ထည့်သွင်းပြီး သိုလှောင်ပမာဏ ကို 2TB အထိ တိုးချဲ့နိုင်ပါတယ်တဲ့။

Microsoft Band 2 ကတော့ ဈေးနှုန်းအားဖြင့် ၂၄၉ ဒေါ်လာ ကျသင့်ပြီး အောက်တိုဘာ ၃၀ ရက်မှာ ဖြန့်ချီမှာပါ။



သစ်ထူးလွင်(နည်းပညာ)

Original link - http://technology.thithtoolwin.com/2015/10/microsoft-surface-pro-4-lumia-microsoft.html



Read More »

Saturday, October 3, 2015

Google မှ ထုတ်လုပ်လိုက်တဲ့ Tablet အသစ်




ပြီးခဲ့တဲ့ အင်္ဂါနေ့က ကျင်းပပြုလုပ် ခဲ့တဲ့ Google ရဲ့ ပစ္စည်း အသစ် မိတ်ဆက် ပြသပွဲမှာ Google Chrome Book အဖွဲ့ အနေနဲ့ Android OS အသုံးပြု ထားတဲ့ Tablet တစ်မျိုးကို မိတ်ဆက် ခဲ့ပါတယ်။

နာမည်ကိုတော့ Pixel C လို့ ခေါ်ပြီး စမတ်ကျကျနဲ့ ပေါ့ပေါ့ ပါးပါး အသုံးပြု လိုသူများ အတွက် ရည်ရွယ် ထုတ်လုပ် ထားတာ ဖြစ်ပါတယ်။

Pixle C Tablet ရဲ့ ထူးခြားချက် ကတော့ Touch Screen ကို အသုံးပြု ထားတဲ့ အပြင် Keyboard နဲ့ တွဲဖက် အသုံးပြုနိုင်ခြင်း ဖြစ်ပါတယ်။

ဈေးနှုန်းအနေနဲ့ ကတော့ 32 GB အတွက် ဒေါ်လာ ၄၉၉ နဲ့ 64GB အတွက် ဒေါ်လာ ၅၉၉ ဖြင့် ရောင်းချ ပေးသွားမှာ ဖြစ်တဲ့ အပြင် Keyboard ကိုပါ တွဲဖက် အသုံးပြု ချင်ရင်တော့ Keyboard အတွက် ဒေါ်လာ ၁၄၉ ထပ်ပေး ရမှာ ဖြစ်ပါတယ်။

Google Pixel C ရဲ့ အလေးချိန်ဟာ ၁ ပေါင် သာသာ ရှိပြီး Keyboard နဲ့ ပေါင်းစပ် လိုက်ရင်တော့ အလေး ချိန်ဟာ ၂ ပေါင် သာသာ ပဲရှိပါတယ်။ တကယ်လို့ Keyboard ကိုပါ ဝယ်ယူ ခဲ့မယ် ဆိုရင် Keyboard အား Tablet Cover အဖြစ် အသုံးပြုနိုင် ပါသေးတယ်။

Keyboard ကို အသုံးပြုတဲ့ အခါ အဆင်ပြေစေဖို့ အတွက် Keyboard ရဲ့ ထိတ်နားမှာ သံလိုက်ကို တွဲဖက် ထည့်သွင်းပေး ထားပါတယ်။ သံလိုက်ကို အသုံးပြုပြီး Tablet အား အလွယ် တကူ ထောင်ကာ အသုံးပြုနိုင် ပါတယ်။

ဒါပေမဲ့ Keyboard မှာ Window နဲ့ တွဲဖက် အသုံးပြုကြတဲ့ Keyboard တွေ လိုမျိုး Trackpad (Mouse Pad) တော့ မပါဝင် ပါဘူး။ Pixel C ဟာ Android OS ကို အသုံးပြု ထားတာဖြစ်ပြီး Touch Screen အသုံးပြု ထားတဲ့ Tablet ဖြစ်တာကြောင့် Keyboard တောင် မလိုအပ်ပါဘူး။

ဒါပေမဲ့လည်း Tablet တစ်လုံးကို ကွန်ပျူတာ တစ်လုံး သဖွယ် စမတ် ကျကျ အသုံးပြုချင်တဲ့ လူတွေ အတွက်တော့ Wireless Mouse ကို Bluetooth နဲ့ ချိတ်ဆက်ကာ အသုံးပြုနိုင် ပါတယ်။

Tablet ကို စွဲမက်စွာ အသုံးပြု သူများ အတွက် Google Pixel C ဟာ NVIDIA X1 quad-core processor ကို အသုံးပြု ထားပြီး Maxwell GPU နဲ့ RAM ကို 3GB အသုံးပြု ထားတဲ့ အတွက်ကြောင့် Performance ပိုင်းမှာတော့ ပြောနေစရာ မရှိအောင် သွက်လက် လွန်းလှပါတယ်။

Internet အတွက် Wi-Fi network ကို ထောက်ပံ့ပေး ထားပါတယ်။ Storage ကို 32 GB နဲ့ 64 GB ဆိုပြီး နှစ်မျိုး ထုတ်လုပ် ထားပါတယ်။

Ref : Mashable

Aung Ko Htet (MMA)

Original link - http://www.myanmarmobileapp.com

Read More »