တီထွင်ဖန်တီးမှုသတင်း၊ နည်းပညာသတင်း၊ ဆော့ဝဲများ မျှဝေခြင်း

Wednesday, March 23, 2016

နံရံကို ဖောက်ထွင်းမြင်နိုင်သော ရေဒါတစ်မျိုးကို အိန္ဒိယ တီထွင်




နယူးဒေလီ ၊ ၂၃-၃-၂၀၁၆

အိန္ဒိယ အစိုးရသည် နိုင်ငံ၏ ကာကွယ်ရေး တပ်ဖွဲ့ဝင်များ အတွက် ကြီးမားစွာ အထောက် အကူ ပေးနိုင်သည့် နံရံကို ဖောက်ထွင်း မြင်နိုင်သော ရေဒါ တစ်မျိုးကို တီထွင် ထုတ်လုပ် နိုင်ခဲ့ကြောင်း မတ် ၂၁ ရက် ထုတ်ပြန်ချက် အရ သိရသည်။



Divyachakshu ဟု အမည်ပေး ထားသော အဆိုပါရေဒါကို ဘန်ဂါလောမြို့ အခြေစိုက် ကာကွယ်ရေး ဆိုင်ရာ သုတေသနနှင့် ဖွံ့ဖြိုး တိုးတက်ရေး အဖွဲ့၏ အီလက်ထရွန်နစ် နှင့် ရေဒါဖွံ့ဖြိုး တိုးတက်ရေး ဌာနက တီထွင် ထုတ်လုပ်ခဲ့ခြင်း ဖြစ်သည်။

အဆိုပါ ရေဒါသည် စင်တီမီတာ၂ဝ မှ ၃ဝ အထူရှိသော မည်သည့်နံရံ ကိုမဆို အပူဓာတ် ရှိသော ပုံရိပ်လွှာကို သုံးကာ ဖောက်ထွင်း ကြည့်ရှု၍ မြင်တွေ့နိုင်ကြောင်း၊ ထို့ပြင် ၄င်းသည် မီတာ ၂ဝ အကွာအဝေး ရှိ နံရံ၏ တခြား တစ်ဖက်မှ ပုံရိပ်များ ကိုလည်း ဖမ်းယူနိုင်စွမ်း ရှိသည့်အပြင် အခန်းတစ်ခန်း အတွင်းရှိ လှုပ်ရှားမှု များကိုပါ ရှင်းရှင်း လင်းလင်း ဖမ်းယူ နိုင်ကြောင်း ယင်း စီမံကိန်းတွင် ပါဝင်သည့် သိပ္ပံ ပညာရှင် တစ်ဦးက IANS သတင်းဌာန သို့ ပြောကြားသည်။

၎င်းရေဒါသည် နံရံ၏ တခြားတစ်ဖက်မှ အပူလိုင်းများကို ဖမ်းယူ ပြီးနောက် ရုပ်ပုံလွှာစစ် တစ်ခုကို ပြန်လည် ပုံဖော်ပေးကြောင်း၊ ထို့ပြင် နံရံတစ်ဖက်မှ လူအရေအတွက်၊ အရေးကြီး အချက်အလက် များနှင့် လှုပ်ရှားမှု များကိုလည်း ပိုမိုနီးကပ်စွာ မြင်တွေ့ နိုင်ကြောင်း ၄င်းက ထပ်လောင်း ပြောကြားသည်။

အဆိုပါ ရေဒါ အဆင့်မြှင့်တင် မှုသည် အိန္ဒိယနိုင်ငံ အတွင်း၌ အကြမ်းဖက် သမားများ၏ အကြမ်းဖက် တိုက်ခိုက်မှုများ လုပ်ဆောင်မှုကို ကိုင်တွယ် ဖြေရှင်းနိုင်ရန် ရည်ရွယ်၍ လုပ်ဆောင်ခဲ့ခြင်း ဖြစ်ကြောင်း သိရသည်။

by ပြည်ချစ်သား

Originally published at - http://www.pyichitthar.com/2016/03/blog-post_71.html


No comments: