တီထွင်ဖန်တီးမှုသတင်း၊ နည်းပညာသတင်း၊ ဆော့ဝဲများ မျှဝေခြင်း

Friday, March 25, 2016

Android Update မရယူခင်နဲ့ ရယူအပြီးမှာ ပြုလုပ်ရမယ့် နည်းလမ်း လေးခု




သင့်ဖုန်းအတွက် Android Update ရပြီလို့ ဖုန်းမှ အသိပေးတိုင်း အလျှင်စလို မပြုလုပ်သင့်ပါဘူး။ Android Update ပြုလုပ်တဲ့အခါမှာ အခန့်မသင့်ရင် သင့်ရဲ့ ဒေတာတွေ ဆုံးရှုံးသွားနိုင်တဲ့အတွက် မှန်ကန်စွာ Update ပြုလုပ်သင့်ပါတယ်။ အခုဖော်ပြမယ့်နည်းလမ်းတွေက Android Update ပြုလုပ်ရာမှာ ဖြစ်ပေါ်လာနိုင်တဲ့ ပြဿနာတွေကို အနည်းဆုံး ဖြစ်စေမှာပါ။


၁။ ဒေတာများကို Back Up လုပ်ပါ။

Android Update မပြုလုပ်မှီတိုင်း အရင်ဆုံး ပြုလုပ်သင့် တာကတော့ Back Up ပြုလုပ်တာ ဖြစ်ပါတယ်။ သင့်ရဲ့ စမတ်ဖုန်းမှ Contacts, Call Logs, SMS, Calendar, Bookmarks , Settings ကနေ Apps နဲ့ App Data များ၊ ကိုယ်ရေး ကိုယ်တာ ဖိုင်များ အဆုံး အရာ အားလုံးကို Back Up လုပ်ထား နိုင်ပါတယ်။

ဒီလိုပြုလုပ်ဖို့ အတွက် Google ရဲ့ ၀န်ဆောင်မှုကို အသုံးပြုနိုင် သလို Easy Backup & Restore , Titanium Backup နဲ့ Helium တို့လို Apps များကို အသုံးပြုနိုင် ပါတယ်။

ကိုယ်ရေးကိုယ်တာ ဖိုင်များ အတွက် ဖုန်းကို ကွန်ပြူတာနဲ့ USB ကြိုးမှ တစ်ဆင့် ချိတ်ဆက်ပြီး ဖိုင်များကို သိမ်းဆည်း နိုင်ပါတယ်။



၂။ ဘက်ထရီကို အားဖြည့်ပါ။

Android Update ပြုလုပ်နေစဉ်မှာ သင့်ရဲ့ Android Phone ဟာ အားကုန်မသွားဖို့ အရေးကြီးပါတယ်။ အဲဒီအတွက် Update မပြုလုပ်မီ သင့်တင့်တဲ့ အားရှိနေဖို့လိုပါတယ်။ အနည်းဆုံး ဘက်ထရီ ရာခိုင်နှုန်း ၇၀ ကနေ ၈၀ အတွင်း ရှိအောင်လုပ်ထားဖို့ အကြံပေးပါတယ်။



၃။ Screenshots များ ရိုက်ထားပါ။

Android Update မပြုလုပ်မီမှာ သင့်ရဲ့ Home Screens များကို Screenshot ရိုက်ထားပြီး ကွန်ပြူတာနဲ့ Cloud Storage တို့မှာ သိမ်းဆည်း ထားတာကလည်း အိုင်ဒီယာကောင်း တစ်ခုဖြစ် ပါတယ်။

Third-Party Android Launcher များကို အသုံးပြုသူများအတွက် Home Screen Preferences ကို သ်ိမ်းဆည်းနိုင်ပါတယ်။ Stock Launcher ကို အသုံးပြုသူများအတွက် Home Screens များကို Screenshot ရိုက်ထားသင့်ပါတယ်။ ဒီလိုပြုလုပ်ခြင်းအားဖြင့် Android Update ပြုလုပ်ပြီးနောက်မှာ ယခင်အတိုင်း သင့်ဖုန်းကို စီမံနိုင်မှာ ဖြစ်ပါတယ်။

Android Update ပြုလုပ်ရင် သင့်ဖုန်းကို Reset ပြုလုပ်မှာမဟုတ်ပေမယ့် Screenshot ရိုက်ခိုင်းရခြင်းအကြောင်းကို နောက်အဆင့်မှာ ဖတ်ပါ။

၎။ Wipe Cache and Factory Reset

Android Update ပြုလုပ်ပြီးနောက်မှာ Factory Reset ပြုလုပ်ဖို့ မလိုဘူးလို့ ပြောကြပါတယ်။ ဒါကလည်း မှန်ပါတယ်။ ဒါပေမယ့် Firmware ကို အင်စတောလုပ်ပြီးနောက်မှာ အနည်းဆုံး System Cache ကို ရှင်းလင်းသင့်ပါတယ်။

ဒါဟာ စွမ်းဆောင်ရည်နဲ့ ဘက်ထရီပြဿနာများကို ရှင်းလင်းပေးတဲ့ အလွယ်ဆုံးနဲ့ အမြန်ဆုံးနည်းလမ်းဖြစ်ပါတယ်။ Firmware အသစ်နဲ့အတူ Factory Reset ပြုလုပ်ခြင်းဟာ Update ပြုလုပ်ပြီးနောက်မှာ ဖြစ်လာမယ့် ပြဿနာတွေကို ကာကွယ်ပေးနိုင်ပါတယ်။



အပေါ်ကအဆင့်တွေကို ပြုလုပ်ပြီးရင်တော့ သင့်ရဲ့ ဒေတာတွေအားလုံးကို ပြန်လည် Restore လုပ်ပါ။ Screenshots တွေကြည့်ပြီး သင့်ရဲ့ Home Screen ကို စီမံခန့်ခွဲပါ။

Android Update အသစ်မှာ Bugs မပါဘူးလို့ အာမမခံနိုင်ပါဘူး။ ဒါပေမယ့် Update လုပ်ပြီးနောက်မှာ ဖြစ်လေ့ရှိတဲ့ စွမ်းဆောင်ရည်နဲ့ ဘက်ထရီပြဿနာများ၊ Reboots အလို အလျှောက် ဖြစ်ခြင်းများ၊ App များကောင်းစွာ အလုပ် မလုပ်ခြင်းများကို အပေါ်က နည်းလမ်းများက တားဆီး ပေးနိုင်ပါတယ်။

DIGITAL LIFE နည်းပညာဂျာနယ်

Originally published at - http://www.blog.myanmardigitallife.com/


No comments: