တီထွင်ဖန်တီးမှုသတင်း၊ နည်းပညာသတင်း၊ ဆော့ဝဲများ မျှဝေခြင်း

Friday, October 16, 2015

လူ့ဦးနှောက်ကို အင်တာနက်နဲ့ ချိတ်ပြီး နတ်ဘုရား တမျှ စူပါအသိဉာဏ် ရနိုင်ဖွယ်ရှိ




အလွန်သေးငယ်တဲ့ စက်ရုပ် သေးသေးလေး တွေကို လူ့ဦးနှောက်ထဲမှာ ထည့်သွင်းနိုင်ပြီး ၄င်းတို့က အင်တာနက် ကွန်ရက်တွေနဲ့ ချိတ်ဆက်ကာ နတ်ဘုရား တမျှ အစွမ်းတွေကို ရနိုင်ကြောင်း ထိပ်သီး ကွန်ပျူတာ သိပ္ပံပညာရှင် တစ်ယောက်က ဆိုပါတယ်။

စာရေးဆရာ၊ တီထွင်သူ၊ အနာဂတ် ဗေဒပညာရှင် ဖြစ်တဲ့ Ray Kurzweil ဆိုသူဟာ Google ရဲ့ စက် သင်ယူလေ့လာရေး စီမံကိန်းမှာ အလုပ် လုပ်နေပါတယ်။ ဒီလိုနည်းပညာ မျိုးက လူ့ဆင့်ကဲ ဖြစ်စဉ်ရဲ့ နောက်တဆင့် ဖြစ်လာနိုင်တယ် လို့ သူကပြောပါတယ်။

၂၀၃၀ပြည့်လွန်နှစ်တွေမှာ လူသားတွေဟာ နာနိုဘော့ (အသေးစားစက်ရုပ်) တွေကို သုံးပြီး နီရိုကောတက်စ် လို့ခေါ်တဲ့ ဦးနှောက် အပိုင်းကို ရိုက်ခတ်ကာ ကမ္ဘာကြီးနဲ့ တိုက်ရိုက် ချိတ်ဆက်နိုင် ကြမယ်လို့ သူက ကြိုတင်ခန့်မှန်း ထားပါတယ်။ ဒီနည်းပညာက လူတစ်ယောက်ရဲ့ ဦးနှောက်ကနေ နောက်တစ်ယောက်ရဲ့ ဦးနှောက်ဆီကို အီးမေလ် တိုက်ရိုက်လှမ်းပို့နိုင်တာ၊ ကျွန်တော်တို့ရဲ့ အတွေးတွေနဲ့ မှတ်ဉာဏ်တွေကို အရန်သိမ်းဆည်းထားတာမျိုးတွေ လုပ်လာနိုင်စေမှာပါ။

ဒီအင်န်အေမှာ သက်ရှိဆဲလ်တွေကို ဒေတာသိုလှောင်မှုစက်တွေ အဖြစ်ပြောင်းပြီး ကွန်ပျူတာလုပ်ဆောင်ချက်တွေ အတိုင်းဖြစ်အောင် အသွင်ပြောင်းနိုင်တဲ့ အလားအလာရှိနှင့်ထားပြီးဖြစ်ပါတယ်။

“လောကကြီးမှာ အလှတရား၊ အချစ်၊ ဖန်တီးမှု နဲ့ အသိဉာဏ်ဆိုတာတွေ ရှိတယ်။ အဲ့ဒါတွေ အားလုံးက နီရိုကောတက်စ် (အကြား၊ အမြင် အာရုံတွေဖြစ်တဲ့ ဦးနှောက်အပိုင်း) ဆီကနေ လာတာပါ။ ဒီ နီရိုကောတက်စ် ပိုင်းကို ချဲ့ထွင်နိုင်ရင် နတ်ဘုရားနဲ့ ပိုပိုတူလာမယ်။” လို့ Ray Kurzweil ကရှင်းပြခဲ့ပါတယ်။

Original link - http://technology.thithtoolwin.com/2015/10/blog-post_17.html

ဒီပို့စ်လေးကို နှစ်သက်တယ်ဆိုရင်
လုပ်နိုင်ပါတယ်။

No comments: