အက်ပလီကေးရှင်းတွေ ပျောက်ကွယ်သွားမယ့်ခေတ်

App တစ်ခုမှ မပါတဲ့ စမတ်ဖုန်း တစ်လုံး ဆိုတာ စိတ်ကူး ကြည့်တာနဲ့ တင် တော်တော်လေး အဆင် မပြေသလို ဖြစ်နေ ပါတယ်။ လက်ရှိခေတ် နည်းပညာပိုင်း အရ စမတ်ဖုန်း
တွေကို အိတ်ဆောင် ကွန်ပျူတာလေးတွေလို စွမ်းဆောင်ရည် မြင့်မားနေစေဖို့ App တွေရဲ့အခန်း ကဏ္ဍက ကြီးမား လွန်းနေ တာကြောင့်ပါ။

ဒါပေမဲ့ ဆက်တိုက် တိုးတက်ပြောင်းလဲနေတဲ့ နည်းပညာရေစီးကြောင်း သဘာဝအရ App တွေရဲ့ခေတ်ဟာလည်း ကုန်ဆုံး လာတော့မယ် လို့ ပညာရှင်တွေက ခန့်မှန်းထားပါတယ်။

တချို့ကဆိုရင် မကြာခင်နှစ် အနည်းငယ် အတွင်း မှာတင် App တွေ လုံးဝပျောက်ကွယ် သွားပြီး App ကင်းမဲ့ရာ နည်းပညာခေတ်ထဲ ချင်းနင်း ဝင်ရောက်နိုင်တော့မယ်လို့ ယုံကြည်နေ ပါပြီ။

App တွေ ပျောက်ကွယ်သွားနိုင်တဲ့ အကြောင်းရင်း

‘‘သိပ်မကြာခင် အနာဂတ်မှာApp တွေ အမှန်တကယ်ပျောက် ကွယ်သွားနိုင်ပါတယ်။ အဲဒီအစားInstant Messaging နဲ့ SocialMedia Interface တွေဟာ နည်းပညာ နယ်ပယ် သစ်ရဲ့ အခြေခံ အကျဆုံး ဝင်ပေါက်တွေ ဖြစ်လာလိမ့်မယ်’’လို့ Software ကုမ္ပဏီ Unit4ရဲ့ ဗိသုကာဌာန အကြီးအကဲ ကလော့စ်ဂျပ်ဆန်က ဆိုတယ်။

App တွေကို ထိန်းချုပ်ခိုင်းစေရာမှာ ရုပ်ပိုင်းဆိုင်ရာ ထိတွေ့မှုလို အပ်ပါတယ်။ ဒါပေမဲ့ ခန္ဓာကိုယ်မှာ ဝတ်ဆင်နိုင်တဲ့ နည်းပညာ ကိရိယာတွေ တီထွင်လာတာ၊ အ သံနဲ့ထိန်းချုပ် ခိုင်းစေနိုင်တဲ့ ဉာဏ်ရည်တု နည်းပညာတွေ ထွက်ပေါ်လာတာဟာ App တွေရဲ့ နိဂုံးပိုင်းနီးကပ်လာတဲ့ အရိပ်လက္ခဏာ တွေ ဖြစ်နိုင်ပါတယ်။

App တွေမှာ ကြုံရတဲ့ ပြဿနာတွေ

App တွေ အသုံးတွင်ကျယ် လာတာနဲ့အမျှ စမတ်ဖုန်းနည်း ပညာမှာ နေရာယူမှုကလည်း ကြီးမားလာတယ်။ SoftwareUpdate ပိုင်းတွေ၊ ဖုန်းရဲ့ နောက်ကွယ်က လုပ်ဆောင် မှုတွေက အစ App တွေရဲ့ ထိန်းချုပ်မှုက အရေးပါ လာတယ်။ ဒါပေမဲ့ App တွေကို အသုံးချရာမှာ အဆင့်လိုက်ထိန်း ချုပ်ရတဲ့ လိုအပ်ချက်က ရှိနေဆဲ ပဲ။ Apple က Siri လို နည်းပညာကို တီထွင်ခဲ့ပြီး တစ်စထက် တစ်စ အဆင့်မြှင့်လာနိုင်တဲ့ အခါမှာတော့ လုပ်ဆောင်မှုတွေကို စကားတစ်ခွန်းတည်းနဲ့ ပြီးမြောက်စေတယ်။ App တွေကို အဆင့်ဆင့် အသုံးပြု ရတဲ့ အခြေ အနေကို ကျော်လွှား လာနိုင်ခဲ့တယ်။

ဝင်ငွေကဏ္ဍအရလည်း Appတွေနဲ့ပတ်သက်ပြီး စမတ်ဖုန်း ကုမ္ပဏီတွေအတွက် စိတ်ပျက်စရာညွှန်ကိန်းတွေ ကြုံလာခဲ့ တယ်။ App Store တွေကနေ ဝင်ငွေရှာဖွေရာမှာ Apple နဲ့ Google ရဲ့ Android တို့က အဓိက ပြိုင်ဘက်တွေ ဖြစ်ခဲ့တယ်။

Appleကတော့ App တွေ ရောင်းချမှုက နေ ဝင်ငွေအများဆုံးရနေတဲ့ ကုမ္ပဏီပါ။ ၂၀၁၅ အတွင်း App တွေ Download လုပ်သမျှရဲ့ ငွေကြေး ၁၅ ရာခိုင်နှုန်းကို Apple ကရရှိခဲ့တယ်။

ဒါပေမဲ့ ၂၀၁၆ မှာတော့ ၈ ရာခိုင်နှုန်းထိ ကျဆင်းသွားတယ်လို့ IDC က ဆိုပါတယ်။မိုဘိုင်းဖုန်း App တွေ အသုံးပြုမှုဟာ လာမယ့်နှစ်တွေမှာ တိုးမြင့်လာနိုင်ပေမယ့် နည်းပညာ ကုမ္ပဏီတွေ မျှော်လင့်ထားသလောက် တော့ အရှိန်မကောင်းနိုင်ဘူးလို့ လည်း IDC က ခန့်မှန်းတယ်။

နောက်ပြီး App တွေရဲ့ ပြဿနာတစ်ခုက သုံးစွဲသူရဲ့ ပထမဆုံးအတွေ့အကြုံမှာ အ ထင်ကြီးမှု ရအောင်မယူနိုင်ရင် မအောင်မြင်ဖို့ သေချာသလောက် ဖြစ်သွားတတ်တာပါ။ Dynatraceက ကိုယ်ပိုင်သုတေသနပြုမှုတစ်ခု အရ စမတ်ဖုန်းကိုင်ဆောင်သူ ထက်ဝက်နီးပါး (၄၇ ရာခိုင်နှုန်း)ဟာ App တစ်ခုကို ဖွင့်လှစ်အသုံး ပြုဖို့ သုံးစက္ကန့်လောက်ပဲ အချိန် ပေးလိုကြတယ်လို့ သိရပါတယ်။ တကယ်လို့ အစပိုင်းမှာ အထင်မကြီးတော့ဘူးဆိုရင် လူအားလုံး ရဲ့ သုံးပုံတစ်ပုံနီးပါး (၃၂ ရာခိုင် နှုန်း)ဟာ အဲဒီ App ကို လုံးဝထပ် မသုံးတော့ဘူးလို့လည်း Dynat-race က ဆိုတယ်။

App တွေရဲ့ အသုံးဝင်မှု ကန့်သတ်ချက်တွေ

ဒါပေမဲ့ App တွေရဲ့ အားနည်းချက်မဟုတ်ဘဲနဲ့လည်း အ ခြေအနေ၊ အချိန်အခါအလိုက် အရေးပါမှု လျော့ကျလာတာတွေ လည်း ရှိတယ်။ စမတ်ဖုန်း နည်းပညာ စတင် ထွန်းကား တုန်းက လူကြိုက်အများဆုံး App တွေကို မှတ် မိကြပါသေးသလား။ ကင်မရာ၊ အီးမေးလ်နဲ့ ဓာတ်မီးတို့လို App တွေ ဖြစ်ပါတယ်။ အခုတော့ ဒါတွေက ဖုန်းတိုင်းလိုလိုမှာ စံသတ်မှတ် ချက်အနေနဲ့ ပါဝင်နေ ပြီ။ ဒီလို Feature တွေကို ပိုပြီးကောင်းမွန်အောင်မြှင့်တင်ဖို့ ကြိုးစားနေတဲ့ App တွေလည်း ရှိပါသေးတယ်။ ဒါပေမဲ့ အများစုက တော့ ဖုန်းမှာပါနေပြီးသား။ ထပ်ပြီး အသုံးမလိုတော့သလို ဖြစ်လာတယ်။

‘‘လူတွေက App အသစ်တွေထပ်ထည့်ဖို့ သိပ်စိတ်မဝင်စားတဲ့ သဘောမျိုးဖြစ်လာတယ်။ Appတွေကို မှီခိုလိုစိတ်နည်းလာ တယ်။ ဒါဟာ ရေရှည်မှာ App တွေ လုံးဝပျောက်ကွယ် သွားနိုင်တဲ့ အလားအလာတစ်ခုပဲ’’လို့ အချက် အလက်နဲ့ အရည်အသွေးဆန်း စစ်မှုဌာန PCA Predict က အမှုဆောင်ချုပ် ဂျေမီတာနာက ဆိုတယ်။

‘‘အခုဆိုရင် App တော်တော်များများက မည်းပြာပုဆိုးဆန်လာတယ်။ ဝက်ဘ်ဆိုက်အ သေးလေးတစ်ခုကို ညွှန်းထားတဲ့ Bookmark မျိုးထက် နည်းနည်းပဲ ပိုတော့တယ်။ တကယ့်ရင်းမြစ်ကို App ထက် အဲဒီဝက်ဘ်ဆိုက်က လုပ်ပေးနေရတာမျိုးတွေ ဖြစ်လာ တယ်’’လို့လည်း သူက ပြောပါ တယ်။

တကယ်လို့ မူရင်းရင်းမြစ်ရဲ့ ဝန်ဆောင်မှု အထောက်အပံ့ကို တခြားနည်းလမ်းတစ်ခုခုနဲ့ ဆက်သွယ်ရယူနိုင်မယ်ဆိုရင် App တွေက လုံးဝအသုံးမဝင်သလို ဖြစ်သွားပါလိမ့်မယ်။ အသံနဲ့ ထိန်းချုပ်ခိုင်း စေတဲ့ နည်းပညာမျိုးဟာ ဒီစိတ် ကူးနဲ့ အခြေခံတူညီနေတာကို မြင် နိုင်ပါတယ်။ ဒါ့အပြင် တကယ့် လက်တွေ့ဘဝမှာ အသုံးဝင်တဲ့ ဝန်ဆောင်မှုတွေကိုလည်း Appတွေကနေ တစ်ဆင့်ချိတ်ဆက် ခေါ်ယူတာမျိုး လူတွေက မလိုလားကြဘူး။ Uber နဲ့ Lyft ကနေ အငှားကားခေါ်စီးဖို့ ဘယ်သူမှ Appကို မသုံးချင်ဘူး။ Netflix ဗီဒီယိုတွေ ကြည့်ရင်လည်း ဒီသဘောပဲ။ ကိုယ်ဘယ်ဇာတ်ကားကို ကြည့်ချင် သလဲ ဆိုတာကို ကိုယ့်ဖုန်းကို တိုက်ရိုက် ကျကျ ပြောပြ လိုက်တာ မျိုးကိုပဲ လိုလား ကြတာမဟုတ် လား။



ကြားခံ App တွေရဲ့ အခန်းကဏ္ဍ

နည်းပညာ ကုမ္ပဏီတွေက သူတို့ရဲ့ ဝန်ဆောင်မှုတွေ အတွက် App တွေကို တီထွင် ခဲ့ကြပါတယ်။ ဒါပေမဲ့ App အချင်းချင်း အပြန်အလှန် ချိတ်ဆက်ပြီး ပိုပြည့်စုံတဲ့ ဝန်ဆောင်မှုကို ပေးနိုင်ဖို့ ကြိုးစား လာတယ်။

ဒါဟာ စီးပွားရေး အရ ပေါင်းစည်း မှုတွေလည်း ဖြစ်နိုင် ပါတယ်။ ဒါပေမဲ့ လက်တွေ့သုံးစွဲ သူတွေ အတွက်တော့ ရှုပ်ထွေးတဲ့ အတွေ့ အကြုံအချို့ ဖြစ်ပေါ် လာစေတယ်။ Facebook က Messe-nger နဲ့ သွား ပူးပေါင်း သလိုမျိုး ပေါ့။ အဲဒီ အချိန်မှာ Siri လို ဝန်ဆောင်မှုမျိုးက ကိစ္စအများစုကို အလွယ်တကူ ခိုင်းစေပြီးမြောက် စေတယ်။ ဖွဲ့စည်းပုံ ရှင်းလင်း တယ်။ အသုံးပြုရ လွယ်ကူတယ်။ ဒီလိုဝန်ဆောင်မှု မျိုးတွေရဲ့ စွမ်းဆောင်ရည် မြင့်တက်လာလေ လေ၊ App တွေရဲ့ အခန်း ကဏ္ဍက သေးငယ်လျော့ပါး သွားလေလေ ဖြစ်မယ်လို့ လေ့လာ သူတွေက ယုံကြည်နေတယ်။

စမတ်အေးဂျင့်တွေ

Siri လို ဝန်ဆောင်မှု aတွကို စမတ်အေးဂျင့် တွေလို့ ညွှန်းဆို ပါတယ်။ စမတ်ဖုန်း အသုံးပြုသူ အတွက် ပိုပြီး လွယ်ကူ ပြည့်စုံအောင် အထောက်အပံ့ ပေးနေတဲ့ စနစ်မျိုးပါ။

၂၀၂၀ ပြည့်နှစ်လောက်မှာ စမတ်အေးဂျင့်တွေဟာ မိုဘိုင်းဖုန်းနဲ့ အသုံးပြုသူကြား ထိတွေ့ ဆက်နွှယ်မှု စုစုပေါင်းရဲ့ ၄၀ ရာခိုင်နှုန်းကို တာဝန်ယူ ကိုင်တွယ်နိုင်တဲ့ အဆင့်မျိုး ရောက်နေ လိမ့်မယ်လို့ ကျွမ်းကျင် သူတွေက ခန့်မှန်း ထားတယ်။

Apple မှာ Siri ရှိနေ သလို Google ရဲ့ Google Now၊Cortana၊ Alexa တို့လို စမတ်အေး ဂျင့်တွေ ပိုပြီးအဆင့်မြင့်လာမယ့် အခြေအနေရှိပါတယ်။ ဒါ့အပြင် ဒီစမတ်အေးဂျင့်တွေရဲ့ သင်ယူ နိုင်မှု ဉာဏ်ရည်တုကလည်း ပိုပြီး ထက်မြက် လာနိုင်တယ်။ ဒီအခါမှာ ဖုန်းသုံးစွဲသူကို အစစအရာရာ အကူအညီ ပေးလာနိုင်တယ်။ ‘‘ကိုယ့်အတွက် လမ်းညွှန်ဖို့ အ ချက် အလက် အားလုံးကို စမတ် အေးဂျင့်က ပြောပြနေပြီ ဆိုရင် ဘယ်သူ ကများ လမ်းညွှန်မြေပုံ App တစ်ခုကို သုံးတော့မှာတဲ့လဲ’’ လို့ တာနာက ထောက်ပြခဲ့တယ်။

App တွေ ပျောက်ကွယ်သွားမယ့်ခေတ်

လက်ရှိအချိန်မှာ App တွေဟာ စမတ်ဖုန်းအသုံးပြုမှု အတွေ့ အကြုံအတွက် အရေးအပါဆုံး နည်းပညာအထောက်အပံ့အဖြစ် ရပ်တည်နေဆဲပါ။ ဒါပေမဲ့ သူတို့ရဲ့အလား အလာကို စောင့်ကြည့် နေဖို့တော့ လိုလာ ပါလိမ့်မယ်။ ‘‘Screen ပေါ် ပေါ်လာတဲ့ ခလုတ်တွေကို လိုက်နှိပ်နေရတာ လူတွေအကြိုက်ဆုံး အမူအကျင့်တော့ မဟုတ်ဘူး။ လူတွေရဲ့ ပင်ကိုသဘာဝ မဟုတ်ဘူး။ ကျွန်တော်တို့က ပိုပြီးတော့ ရည်မှန်းချက် ကြီးတဲ့၊ ကျယ်ပြောတဲ့ ကမ္ဘာ တစ်ခုဆီ ဦးတည်နေတာ။

သဘာဝဆန် တဲ့ နေ့စဉ်လှုပ်ရှားမှုတွေကို နည်းပညာက ပေါင်းကူးလိုက်လျော ပေးဖို့ လိုတယ်’’လို့ Global DigitalSolutionsက အမှုဆောင် ဒုတိယ ဥက္ကဋ္ဌ ဖရန့်ခ်ပါလာမိုက ဆိုတယ်။ သူက လူတွေရဲ့ သဘာဝအတိုင်း ပြောဆိုသွားလာ နေထိုင်မှုကို အခြေခံပြီး လိုက်ဖြည့်ဆည်းမယ့် စမတ်အေးဂျင့်တွေဟာ အနာဂတ်မှာ App တွေကို မျိုးသုဉ်းသွားစေ မယ်လို့ ယူဆနေတယ်။

‘‘Appတစ်ခုကို သုံးပြီဆိုရင် ကျွန်တော်တို့ ခလုတ်တော့နှိပ်ရ တော့မယ်။ ကျွန်တော်တို့ စာရိုက် ချင်ရိုက်ရမယ်။ ဟင့်အင်း။ ခလုတ်တွေ မနှိပ်ဘဲ၊ စာမရိုက်ဘဲ စကား တစ်ခွန်းလောက် ပြောလိုက်ပေမယ့် မြင်သာတဲ့ အထောက် အပံ့ တွေ ပေါ်လာမယ့် နည်းပညာမျိုး ထွန်းကား လာတဲ့ အခါ App တွေပျောက်သွား မှာပဲ။

နည်းပညာ ပြောင်းလဲဖြစ်တည်မှု အရှိ တရားကလည်း တစ်ချိန်မှာ ကျွန်တော်တို့ ရဲ့ မေးခွန်းကို နည်းပညာက ပြန်ဖြေပေး လာမယ်ဆိုတာ သေချာပါ တယ်’’လို့ ပါလာမိုက
ပြောပါတယ်။

အဲဒီအခါမှာ စမတ်ဖုန်းတစ်လုံးကို App တွေ ထည့်သုံးတဲ့သူမျိုးဟာ ကျောက်ခေတ်လူသား ဆန်ဆန် ရှုမြင်ခံရမယ့် ခေတ်တစ် ခေတ်ကို ရောက်လာမှာ ဖြစ်ပါ တယ်။

—Ref: TechRadar

(ဇွဲရဲဝင့် ဘာသာပြန်သည်)

Originally published at - http://www.7daydaily.com/story/66541